المقادير
* مقادير العجينة
3 كوب دقيق - نص ملعقة صغيرة ملح - 3 ملاعق كبيرة سكر
كوب زبدة مثلجة ومقطعة - بيضة - فانيليا
من 4 إلى 6 ملاعق ماء مثلج جدا
الطريقة
ننخل الدقيق والملح وبعدين نحط السكر وبعدين نحط الزبدة
ونفركها مع الدقيق ليين تصير مفتته (مثل ماقالت منال العالم)
نخلط البيضة مع الفانيليا والماء المثلج بالشوكة ونصب الخليط فوق
الدقيق وتعجن وتصير كذا
ونغطيها ونحطها بالثلاجة طوول الليل بس انا خليتها 3 ساعات
المهم نأخذ منها شوي ونفردها ونبطن فيها القوالب الصغير ة

ونحطها بصينية وندخلها الفرن لمدة 15 دقيقة بس ونحمرها من فوق

طبعا قبل لاندخلها الفرن نعمل فيها ثقوب صغيرة بالشوكة
عشان ماتنتفخ
وبعدين تصير كذا

الحين نسوي الحشوة وهي عبارة عن
كوب حليب - 3 ملاعق كبيرة سكر - فانيليا - ملعقتين صغيرة دقيق
وملعقتين ونص كاسترد
طبعا نخلط كل المقادير السابقة ونحطها على النار ليين تصير ثقيلة
يعني نسوي مهلبية ونحطه بالتارت

ندخلها الثلاجة حتى تتماسك
الحين نسوي الكريمة ( كريمة خفق + سكر) وتخلط مع بعض
لين تصير ثقيلة ونغطي فيها التارت


وآخر شيء نقطع كيوي وفراولة قطع صغيرة
ونوزعها على التارت بالشكل هذا,,


وندخلها الثلاجة ليين تتماسك وتقدم بالهنا والعافية