واحد ‏سأل ‏مصرى: عايز ‏تموت ‏إزاي ‏؟


عاوز ‏تموت ‏شهيد
يا تركب ‏قطر
يا تركب ‏عباره
‏ياتركب طياره

عاوز ‏تموت ‏م ‏الجوع
ياتشترى ‏شقه ‏بالقسط
ياتشترى ‏عربيه ‏بالقسط
يا تدخل عيالك مدرسة خاصة


عاوز ‏تموت ‏م ‏الحسره
ياتتفرج ‏ع ‏الفاترينات ‏فى ‏ستى ‏ستارز
ياتروح ‏زياره ‏لمارينا




عاوز ‏تموت ‏م ‏الغيظ
ياتتفرج ‏ع ‏القنوات ‏المحليه
ياتتفرج ‏ع ‏النشره ‏الجويه


عاوز ‏تموت ‏م ‏الزهق
ياتستنى ‏الإشاره ‏لما ‏تفتح
ياتستنى ‏دورك ‏فى ‏التأمين ‏الصحى
ياتستنى ‏دورك فى الفرن


عاوز ‏تموت ‏م ‏الهبل
يا تسمع تصريحات المسئولين بعد كل كارثة
يا تتفرج على برامج المسابقات





عاوز ‏تموت ‏مخنوق
ياتروح ‏مصلحه ‏حكوميه
يا تقرا ‏الجريده ‏اليوميه


عاوز ‏تموت م الخضة
يا تركب ميكروباص
يا تعدى الشارع على رجليك


عاوز ‏تموت ‏مفروووس
ياتقف تستنى ‏تاكسى
ياتشوف تامر أمين فى مصر النهاردة
ياتقرا مقالات عبد الله كمال فى روزاليوسف




عاوز ‏تموت ‏مرعوووووب
ياتستنى ‏نتيجه ‏الثانويه ‏العامه
ياتستنى ‏نتيجه ‏التحاليل ‏عند ‏الدكتور


عاوز ‏تموت ‏مشهور
ياتتجوز ‏رقاصه
ياتنصب ‏على ‏بنك


عاوز ‏تموت ‏مليونير
ياتعمل ‏فيديو ‏كليب
ياتلعب ‏كوره




عاوز ‏تموت ‏ورا ‏الشمس
ياتشغل ‏مخك
ياتفتح ‏بقك ( فمك )


عاوز ‏تموت ‏م ‏الحزن
تحط ‏الحكومه ‏ف ‏بالك



عاوز ‏تموت ‏م ‏الضحك
يا تسمع تصريحات وزير الصحة ووزير التعليم
يا تروح تتطعم من أنفلوانزا الخنازير


عاوز ‏تموت ‏ف ‏حالك
أعمل ‏نفسك ‏دايما....‏مش ‏واخد ‏بالك