تايه بلف في ارضك الواسعة
شايل علي كتافي الامل
عشمان
تحسي باني من زمان بسعي
بدور ليا فيكي علي عنوان
انا اللي في زحمتك دايب
انا اللي في ضحكتك غايب
انا الشاب اللي في التلاتين
ومن تعب السنين شايب
ده انا غلبان
انا القاعد علي القهوة
ومتشعلق في باب مترو
انا اللي بيوتك العالية
علي دماغي بيتكاتروا
انا الضحكة ما فارقتنيش
واقول نكتة في طابور العيش
تحوش الدمع في عيوني
ماينزلشي ما يفضحنيش
عرفتيني



يا رب انصرنا اذا كنا من اصحاب الحق وساعدنا
ووحد كلمة المصريين