بسم الله الرحمن الرحيم

السلام عليكم ورحمه الله وبركاته ..

ازيكم .. اخباركم ايه ..

معايا موقف حصل معايا من كام يوم كده ..

ولو كنت انت مكاني .. هتعمل ايه ؟؟؟؟

طبعا انا طالبه .. وفي حصه اللغة العربية .. حصل التالي ..

كانت الاستاذه بتشرح نص أدبي ..

فكان ورايا بنت عماله من بداية الحصه وهي بتغلط في المصريين ..

وانا ساكتالها ..

بعدها الاستاذه سألت عن كاتب النص .. راحت البنت قالت احمد شوقي .. قالت الاستاذه لا .. قالتلها بنت .. ازاي يعني احمد شوقي .. راحت قالتلها (( ترى المصريين حاشرين عمرهم في كل شي)) بمعنى انها بتقول اني المصريين بيحشروا نفسهم في كل حاجه ..

طبعا انا على اعصابي الومعلمه دي علينا حصتين ورا بعض ..

وانا مش مركزه في الدرس .. عماله افكر انا بعد ما تخلص الحصه دي هاعمل ايه في البنت ..

اول ما ضرب الجرس قلت للي جنبي .. بصي امشي انتي وانا جايه وراكي ..

ورحت للبنت وقمت هبيت فيها وقلتلها .. انتي ليه كنتي بتقولي ان المصريين حاشرين نفسهم في كل حاجه .. مش عجبك يعني ؟؟ راحت قالت انا كنت بهزر .. قلتلها يعني طول الحصتين وانتي بتهزري .. ليه يعني .. انتي اصلا لو المصريين مكانوش موجودين مكنش وصلكم العلم اللي بتتعلموه ده (( علما بأن كل المدرسين اللي عندنا مدرسينهم مصريين .. ولحد دلوقتي في معلمين ومعلمات مصريين بيدرسو)) قالت انا كنت بهزر .. قلتلها طب لو سمحتي ابعدي عن مصر احسنلك .. وياريت متغلطيش لأنك متعرفيش مين هما المصريين عشان تتكلمي عنهم ..

بعدها سكتت البنت .. وقمت مشيت وسيبتها .. ومن يومها وهي بتتريق على اي حد الا مصر ..

يا ترى لو انت مكاني كنت عملت ايه ؟؟؟

اسفه اني طولت عليكم .. لكن انا مخنوقه شويه وحبيت احكيلكم الموضوع ..