اولا .......... سلام الله عليكم




ثانيا ...........
مع كل الفخر بهذا الشاب الذي حرك جموع تونس
الذي نفخ في النيران الراكضة الي ان اشتعلت و التهمت من حاول اطفائها
من اجل قضية واحده
قضية امن بها محمد البوعزيزي
لن ينساك التاريخ التونسي ولا التاريخ العربي

ثالثا .... لمجرد الربط

لازم تقرا الموضوع ده

http://www.3gypt.com/vb/thread338643.html


رابعا .............. ندخل في الموضوع علشان شكلكو هتولعو فيا


للاخوه المتفائلين بموضوع تونس

قبل متكمل قراية انا لا حزب وطني ولا دياوله


علشان يمكن الاصوات تتعالي وتقولو يا عيني ع شغل الوطني


انا معايش مشاكل البلد و بلاويها .... بس نظرة عميقة للموضوع


من الاخر بص للموضوع بنظرة تانيه ... مش بنظرة الخابطة ع طووول


موضوع تونس هو درس جبار..للشعوب...وللحكام ايضا

مقدر تفاؤلكم ..وعندي منه القليل في مصر..ان احنا يحصل عندنا نفس الشيء

ولكن احب ابشركم بالخير انه مش هيحصل.......مش هقولك سلبيه الشعب المصري والكلام الي بتسمعه من كل النقاد ....الي بيقعدوا ينقدوا مصر علي انهم من ليبيا او من موريتانيا

ولكن...في عهد الرئيس السادات...حصل مثل ما حصل في تونس..وتم السيطره عليه..والجيش نزل الشارع
وحصل حذر تجول...

السادات ومبارك مدرسه واحده...ضيف علي ذالك...مصر بقالها اكثر من خمسين سنه ..تتعامل مثل هذه الانواع من الاعتصامات...بس وازيد وضيف علي ذالك كتير....كمان في الناس المتشبعين بخير الرئيس مبارك..يقلولك..مبارك مفيش احسن منه ..بالتالي الشعب مش هيتوحد

ضيف علي ذالك...في تونس..كان حدث اطلاق نار علي المتظاهرين..منهم من قتل فوق 50 شخص..ومنهم من جرح ومن اتصاب ..حدث موجج !! ..ينفع عليه الشعب يثور ويغضب

وده درس اتعلمه الامن المصري جامد....انه عمره ما هيفكر يضرب متظاهرين او معتصمين بالنار

وبالتالي..حكايه 25 يناير..مش هتجني ثمارها زي تونس...تكاد لا تشكل فارق..- راعي كمان ان في ناس بتمتحن مش
فاضيه تتظاهر "

النقطه الاهم في الرغي الي انا كاتبه ده ..

ما حدث في تونس ..سيحدث..ولكن بعد رحيل الرئيس مبارك.....لان مصر ستشهد اسوأ عصورها حين يرحل الرئيس مبارك..

ما هو قادم هو الاسوأ جدا...معرفش بقي رئيس مصر القادم هيبقي جمال حسين عبد الله مني الشاذلي..ايا كان

علي قدر الامكان ..الرئيس القادم هو من سيتحمل المسؤوليه...حريه مصر زي ما بيقولوا هتكون الفتره القادمه

لأن الرئيس مبارك..لو فرضا حصل حاجات وحشه في عهده "لا قدر الله" ..الناس بتبلعله ..وهو اللفظ الوحيد الي اقدر اعبر

بيه ...انما الرئيس الجديد القادم...لما يجي ..ويعمل حاجه غلط...ومش مراعي ان الشعب المصري علي اخره

هيكون في حاجه من الاتنين :

يا يكون الرئيس كويس ويظبط الدنيا

يا يحدث ما حدث في تونس...ويرحل الرئيس القادم ...ويأتي رئيس...يكون كويس اول تمن سنين

ويطلع عين اهل البلد بقيت فتره بقاءه :]


ملحوظه : كل هذا الرغي هو عباره عن "فتي" لا اساس له من الصحه وغير مبني علي اي حاجه مثبته علميا او حتي جغرافيا..ده واحد فاضي مش لاقي حاجه

................ واحد فاضي و الفاضي يعمل قاضي