السلام عليكن ورحمة الله وبركاته
~~~~~~~~

كلنا بنحـــــب النبي عليه الصلاة والسلام صــــــح؟؟

((أيــــــــوة طــــبعا..))


طيب مش اللي يحبحد يعمل اللي يحبه عشان يرضيه؟؟

يعني زي ما بنقول كدة...حبيب حبيبي.. حبيبي؟؟

((مـــــظبوط..))

طيب احنا فيــــــن من سُنّة الحبيب عليه الصلاة والسلام؟؟


ليه دايما بندور الأول قبل مانعمــــل اي عمل إذا كان سُنّــة ولا فرض؟
لو فرض اه ماشي نعمله لكن سُنّــة؟؟ ((لا ياعم دة سنة..عااادي يعني!!)):wacko:

ازاي عادي؟؟يعني ايه عادي؟؟

دة حتى حبيبك عليه الصلاة والسلام(صلوا عليه)بيقول:


رَغِب يعني أعرض عن..تخيلو؟؟ا إزاي نُعرِض عن سُنّة رسول الله ؟؟؟
ومش كدة كمان رضا الرب من رضا رسوله

دة لو عرفتي ان زوجك بيحب حاجة معينة هنلاقيكي جرررري رحتي تعمليها هتقولي برضو وايه يعني مش لازم؟؟
والرجالة هكذا

اكيد لا..ليه؟؟عشان بتحبيه وعاوزة ترضيه......

طيب لــــــيه بقى مش بتهتمي باللي بيحبه حبيبك وحبيب حبايبك كللللهم؟؟
((خلاص ياستى احنا معاكى هنعمل اللي حبيبنا كلنا عليه الصلاة والسلام(صلوا عليه)بيحــــبه وبيرضيه..بس نعمل ايه طيب؟؟حبيبنا كان بيعمل ايــــه وبيحب ايـــه؟؟؟؟؟))

جمــــــيل..اقوللكم انا بقى

في الموضوع دة ان شاء الله هنعمل سلسلة مختصرة لمعظم سنن النبي عليه الصلاة والسلام اللي نقدر نعملها...والموضوع دة إقتباس من كُتيب "أكثر من 1000 سُنّة في اليوم والليلة" لــ خالد الحُسَينان

طيب ما المقصود بالسنة في هذا الموضوع ؟

السنة هي:ما يُثاب فاعلها ولا يُعاقب تاركها

وهي التي تتكرر في اليوم والليلة وباستطاعة كل واحد منا أن يقوم بها


وقد وجد الكاتب أن بإمكان كل شخص لو حرص على السنن اليومية أن يطبق مالا يقل عن ألف سُنّة في جميع شئون حياته كلها وهذا الموضوع لبيان أيسر وسيلة لتطبيق هذه السُنن اليومية التي تزيد عن ألف سُنّة.


طيب... ما فوائد الإلتزام بالسُنّة؟

1-الوصل إلى درجة (المحبة) محبة الله-عز وجل- لعبده المؤمن.
2-جبر(إصلاح) النقص الحاصل في الفرائض.
3-العصمة من الوقوع في البدعة.
4-أنه من تعظيم شعائر الله

"مُقتبس من الكُتيب"

ها ياحلوين؟؟؟مين فيكم هيجى معايا نعرف سنن اليوم والليلة عشان نطبقها ونوصل له اننا بنحبه عليه الصلاة والسلام(صلوا عليه)؟؟

ان شاء الله هنبدأ في المشاركة القادمة

وياريت ياجماعة
بجد خلينا نلحق دنيتنا وحبنا لرسولنا وربنا
مش معقول ربنا ورسولنا بيحبونا
وانا ابعد عنهم واغضبهم
كل واحد بقة يتوب ويرجع لدينو وسنته
والله مافى احلى من طاعة الله ورسوله


بطلوا هتافات وبنحب وبنسوى
خلينا لمرة فعل:bye:



تعصي الإله وأنت تُظهر حبه* ذاكَ لعمري في المقامِ بديعُ . لو كان حبك صادقاً لأطعتـه* إن المحّبَ لمن يحبُ يطيع
-
-
-


فى حفظ الله
وبأذن الله يارب تستفادوا منه