عاوزة اتكلم معاكم في موضوع

وهو التمييز بين الابناء

تلاقي الاب او الام او الاتنين بيميزوا حد من ولادهم علي الباقي
مش شرط بس تمييز الولد عن البنت لأ
تمييز ولد عن ولد او بنت عن بنت


طب ايه السبب في ده هل هو جهل من بعض الاهالي
ولا حبهم زيادة شوية لواحد والتاني عادي
طب ما الاتنين ولادهم ليه يدمروا نفسية انسان
انه يحس انه اقل من اخوه او انه مش محبوب زيه
من اهله وبيميزوه عنه


هل تصرفات الابناء نفسهم سبب في ده
يعني لو واحد بيسمع الكلام وكويس يبقي عندهم
احسن من اللي ماشي بدماغه ومبيسمعش لحد
طب ليه تصرفات الاهل في الحالة دي متبقاش تصرفات وقتية
بمعني اني اعاقبه لما يعمل حاجة غلط او شئ مش كويس
لكن الاساس يكون التساوي بين الاتنين


وعلي ما اتذكر ان فيه حديث لسيدنا رسول الله
عليه افضل الصلاة والسلام بيقول فيما معناه
اننا نساوي بين اولادنا ولو في تقبيلنا ليهم
طب التفرقة في المعاملة دي مش اكيد هتكون سبب كبير
ان اللى بيميزوا اهله اخوه عليه هتخليه انسان
غير سوي لما يكبر ويحاول يثبتلهم انه احسن من اخوه
سواء بطرق صحيحة او لأ


الموضوع طبعا ليه جوانب كتير
واتمني اعرف آرائكوا فيه
مودتي واحترامي لكم