مسخرة اسمها ابنى بيتك

[فتحي]

تسلم الكتير قطعة ارض من مشروع ابنى بيتك وهم غير قادرين على البناء فيعرضها للبيع
والمتر اللى بـ 70 جنيه والمقدم 1000 جنيه اصبح المطلوب 50000 جنيه يعنى اصبح متوسط سعر المتر 230 جنيه ده بالله عليكم نسميه ايه؟؟؟
وبكل بجاحة يقولك الدعم للمالك فاصبح يأخذ دعم من الدولة بدون وجه حق ونرجع نقول مظلومين ومش عارفين الدعم اللى بالمليارات فى ميزانية الدولة بيروح فين
ده غير تتدخل الوسطاء فى ذلك المشروع
كفيانا جشع
ده اول مسمار فى نعش مشروع ابنى بيتك
على الدولة سحب تلك الاراضى مالم يثبت المشترى ما هى مصادر سيولته للبناء حتى نتأكد من جديته
او تطرح الدولة تلك الاراض بسعر السوق
من اجل هؤلاء المنفعين
اللى يخلى الـ 1000 جنيه خلال سنة 50000 جنيه اي استثمار فى الدنيا كلها يحقق ذلك العائد
شكرا

[adham62]

الاخ اللى بيتكلم وبيقول مسخره ابنى بيتك
يعنى جيت على الغلابه اللى منة عليه الدوله بقطعة ارض فى الصحراء ساكنها العقارب والسلعوه المتر ب70 جنيه وصار لنا اكثر من سنتين بنحلم بيوم الاستلام ياريت تتكلم على الحراميه اللى اخدو المتر ب2جم واخدوا الاف الامتار وباعوا بملايين احنا كده منشفشى غير الغلبان لاكن الحرامى بنهلل له
روح ربنا يهديك ويهدى امثالك
وبعدين اذا كانت نسبة 1% قامت ببيع تلك الارض وهى نسبه لاتذكر فلما هذا الافتراء روح ربنا يهديك

[shokry888]

حسبنا الله ونعم الوكيل فيك

اتقى الله يا...... .....


دا احنى غلابة

[star_star]

عاوز ابنى بيتى فى المنطقه الخامسه ومحتاج مقاول كويس

[wadiabkar]

الأستاذ شكله مستريح قوي، وميعرفش الدنيا فيها إيه، غالبا اللي بيبيع هو أفقر واحد - قد توجد استثناءات قليلة - لكن لو أنا فعلا مقتدر هبني الأدوار الثلاثة وأستفيد من دعم الدولة وبعد كده أخليها كام سنة وأبيعها زي اللي بيتباع في حي المنتزه اللي لازق في المنطقة الرابعة أو غيره من الأحياء القريبة اللي بيتباع فيها الثلاثين متر دورين متشطبين مع جنينة أربعين متر يعني إجمالي مساحة سبعين متر بميتين ألف جنيه، ولو حتتين جنب بعض مجموعهم مية وخمسين متر ب ستمائة ألف جنيه.
الشاهد إن الغلبان اللي مش عارف ياخد حاجة من البلد غالبا هو الذي يبيع، وبهذا يكون قد حصل على نصيبه من الدعم.
ومن ناحية أخرى شوف ملايين الامتار اللي بتتنهب عيني عينك ومصر كلها قاعدة تتفرج، في الساحل الشمالي وفي أكتوبر وطريق مصر اسكندرية وسيناء وكافة أراضي مصر الطاهرة.. احنا اتوجع قلبنا، ومصدقنا إن فيه مشروع عدل يحسب في إنجازات السيد الرئيس، ومعلومة مهمة، كثيرون ممن هم ضد مشروع ابني بيتك نلاقيهم من شركات العقارات الحرامية، لأن المشروع إذا كان فيه بيع وشراء هيوقف حال الحرامية اللي بيبيعوا التلاتين متر مباني بمائتي ألف جنيه. والستين متر مباني دورين ب 600 ألف جنيه، وأنا رحت وشفت بعيوني.