لو سألك هترد بأيه ؟؟

[ابو اسامه]

الى من فجر نفسه وخسر الدنيا والأخرة ...

************

بعد ده كله هتعمل ايه

لو سألك هترد بأيه

هتقوله ياربى انا مأجور

ولا بكون على بلدى غيور

ولا كمان هتلف تدور

لما الناس يتعلقوا فيك

طالبين حق من جو عنيك

ولا واحد جنبك يواسيك

هترد وهتقوله أيه

ناس ملهمشى فى اى حوار

انت لوحدك خدت قرار

انك هتشعلل بالنار

تموت اخواتك ليه

هترد وهتقوله ايه

انت الكفر صنعتوا بأيدك

ولا حدش ضربك على ايدك

والغدر عايش فى وريدك

لكن ذنب الناس كده ايه

انت تحب تخش النار

وعايم بقى ضد التيار

وبتخلق لمواقفك اعزار

لكن ذنب اخواتك ايه

لو قلبك كان فيه احساس

كنت رحمت كتير م الناس

كنت رفضت تبيع خلانك

ولا تسمع زن على ودانك

كنت رفضت تعيش مأجور

كنت بقيت على مصر غيور

كنت حسبتها مليون مرة

زوجه جميله بقى من الحور

وكنت بقيت على مصر غيور

*****

مع تحيات ابو اسامه...

[اميرة حبى انا]

هترد وهتقوله ايه
سؤال صعب
وكلمات قوية
شكرا ابو اسامة

[فريد]

رائعة و جميلة يابواسامة
للاسف كان نفسى يحسبها ولو مرة
جميلة الكلامات و التعبيرات
دام هذا القلم ودام لنا صاحبه
تقبل مرورى

[خلود]

كنت حسبتها مليون مرة

زوجه جميله بقى من الحور

وكنت بقيت على مصر غيور

هو للاسف اللى عمل كده لا حسب ولا جمع ولا طرح

ولا كان فيه مخ اصلا

جميله كلماتك اوى ياابو اسامه ومعبره بطريقه جميله جدا

[الرومنسى]

رائعة
اتحفتنا بعواطفيك شاعرنا الجميل
ما يدل ذلك الاعلى غيرتك على وطنك
وعلى اخوتك من ابناء الوطن
لك تحياتى