الحمدلله والصلاة والسلام
على رسول الله وعلى آله وصحبه أجمعين



عاملين ايه ياجوماعه
يارب تكونو كويسين
ياريت تقرو كلامى كله وبجد انا متأكده انكو هتتبسطو اووى ان شاء الله

:11ap:
النهارده بقى هنتكلم انا وانتو فى موضوع مفيش اجمل منه وهو عن

بابانا ومامتنا

اكيد عارفينهم :biggrin23:
ايوه هم اللى بيجو عندكو البيت دول كل يوم





 ..

قال الله تعالى :{وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَاناً إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيماً . وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيراً} [الإسراء:23-24]




انا عاوزه اقولكو حاجه مهمه جدا
باباكو ومامتكو
حافظو عليهم بجد
الواحد فعلا مش بيعرف قيمتهم غير لما يروحو منهم بعد الشر عنكم يارب


اولا انا والدى الله يرحمه:sad:::اتمنى تدعوله::
اه يا ابي لو تعرف كم اشتاق الى حضنك الدافىء والى ابتسامتك التى تملى حياتي
.. ربنا يرحمك ياارب ..

ووالدتى ربنا يخليهالى يارب اللهم امين

فعلا انا معرفتش قيمه بابا غير لما بعد عنى وانا صغيره
كان نفسى اوى كلمه بابا دى اقعد انا اقولها لحد ما انا اللى اموت قبله :sadd:
(( خليتونى اعيط بقى ))

فااصل وجايه
..



...




بالله عليكم ياجماعه ارضو باباكو ومامتكو

حياتك من غير رضى باباك أو مامتك عندك ملهاش لازمة وعلشان ترضى ربنا لازم ترضى باباك ومامتك

لااازم تبوسو ايديهم وراسهم
اسمعو كلامهم
علشان ربنا يرضى عليكم فى الدنيا ووالاخره


بقولكو ايه انا مش عاوزه اسكت بصراحه :biggrin23: ماتيجو كده ندردش شويه واسألكم كام سؤال وردو على نفسكو


ليه بتحبو تطنشو دايما باباكو ومامتكو ليه بتضايقوا من كلامهم وكأنهم أعداءكم ؟


ياترى بقى هتقولو ها ها احنا كبرنا خلاص ومحدش ليه دعوه بينا واحنا عارفين بنعمل ايه كويس:5427:

طب بقولكو ايه هو باباكو مثلا يعنى مثلا لما يقولكو ذاكرو كويس بقى يبقى بيتخانق معاكو ولا عاوزكو تنجحو عشان مصلحتكم ومستقبلكم؟


وانتي لما مامتك تختار معاكي هدومك اللي هتناسبك وتناسب سنك وترضي ربك هي كده مش عايزة مصلحتك؟






ليه بتعاملوهم كده ومش بتقربو منهم


مش دول اللي ربنا وصى عليهم؟؟

وغير ده كله تعالو نفكر سوا

يا ترى صاحبك عباس ولا صاحبتك مديحه يتمنوا انكم تكونوا احسن اكتر منهم ؟؟؟؟

لا طبعا مهما كان الأصحاب مفيش حد يتمنى ده يحصل




فيه اتنين هم دول بس اللي بيحبوك اكتر من نفسهم


ايوة بابا وماما

الوحيد اللي عايزك توصل للي ما وصلهوش
والوحيدة اللي عايزاكى اجمل منها واحسن منها

اصل ربنا سبحانه وتعالى هو اللي زرع ده في قلوبهم
وعشان كده وصى سبحانه وتعالى عليهم وجعل الاحسان اليهم في المنزلة الثانية بعد عباده الله سبحانه وتعالى


( ((وَوَصَّيْنَا الْإِنسَانَ بِوَالِدَيْهِ حَمَلَتْهُ أُمُّهُ وَهْنًا عَلَى وَهْنٍ
وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ))
سورة لقمان

طب تعالو وتخيلو كده انهم بعدوا عنكو ..

ها تخيلتو

طب قولولى بقن


ياترى هتقدرو تعيشوو من غيرهم؟
طب الحياة هتبقى حياه؟؟


فيه غيرك بيحسدك على النعمة اللي انت فيها وانت مش حاسس
ما سمعتش مرة واحد فقد ابوه او امه بيقولك يا بختك انا نفسي حد يزعق لي او حتى يهزأني بس احس اني فيه حد مهتم بيا:doh:


ترضى بقى تكون يتيم ؟
ترضى تكون وحيد ؟

فوقو بقى شويه :11nk(2):
ما سمعتوش الحديث اللي بيقول


عن جابر - رضي الله عنه - قال: قال رسول الله صلى عليه وسلم: " بروا آباءكم تبركم أبناؤكم وعفوا عن نساء الناس تعف نساؤكم... " (11)


يعنى ان شاء الله كل اللى بتعملوه مع اهاليكم هيطلع عليكم لما تجيبو ان شاء الله نونات كده:11umbup:


..
ها بقى تيجى نتفق مع بعتينا



و هنبطل ننفضلهم؟

و هنبطل نعاند فيهم؟


هتاخدو برأيهم؟

واهم حاجه

هيجى الوووقت اللى نعرف قيمتهم سوا؟؟؟





طب يلا بقن روحي ساعدي ماما في المطبخ .. دي واقفة طول النهار اودام البوتاجاز ....مش بتصعب عليكي


وانت انزل مع بابا وساعده في مشاويره ..طول النهار دايخ عشانك ... مش بيصعب عليك

من هنا ورايح مش هانكشر في وشهم
مش هتقول لصاحبك ياعم كبر لما مامته تنده عليه ؟؟
ولا هاتسمعى كلام صاحبتك لما تضحك عليكى وتقول ..يااه انتي لسه بتاخدي رأي ماما ؟؟

عن أبي عبد الرحمن عبد الله بن مسعود رضي الله عنه قال: سألت النبي صلى الله عليه وسلم: أي العمل أحب إلى الله تعالى؟ قال: ((الصلاة على وقتها))، قلت: ثم أي؟ قال: ((بر الوالدين))، قلت: ثم أي؟ قال: (( الجهاد في سبيل الله)). متفق عليه.


قربوا منهم اكتر مش هتلاقوا حنان ادهم بجد
روحو جنبهم قبل فوات الاوان وقولولهم ربنا يخليكو لينااا


بكيبووردى:اختكم ميروووووو