أخواني وأخواتي

بس أكتشفت أنه في عدة أسباب لنجاح وعدم تفكك الكبة بالقلي

1- كمية اللحم المضاف لعجينة الكبة يجب أن يكون قليل جدا (ولا أقصد الحشوة)

2-الزيت مهم أن يكون غزير وحامي عند القلي

3-وضع بضع أقراص من الكبة وليس كمية كبيرة

4-عدم تحريك الأقراص عند القلي إلا عند النضوج تقريبا



وبعد ما زهقتوا من الشرح نبتدي بالمقادير:

2 كوب من البرغل الناعم الأسمر أو الأبيض حسب الرغبة

3 ملاعق طعام من اللحم المفروم فلفل أسود + ملح


الحشوة : بصل ولحم مفروم مقليين + بهارات مشكلة وملح ونضيف لهم صنوبر مقلي



الطريقة :


منغسل البرغل ومننقعه بالماء لفترة زمنية كتير قليلة وبعدها منصفي البرغل ومنعصره بإيدينا كتير لنتخلص من الماء بعدين منضيف اللحمة والفلفل والملح وفي طريقتين لعجن اللحم والبرغل

1-نضع خليط اللحم والبرغل على دفعات في المولينكس ( كيتشن ماشين )
ونفرمهم جيدا ومهم جدا نقلبهم من فوق لتحت لغاية ما يتجانسوا

2- فرمهم بفرامة اللحمة ثلاث أو أربع مرات

بعدها نضعهم في جاط ونعجنهم بأدينا (شوي )



ونبدأ بتقريص الكبة وحشوها كما في الصور







بعدها نبدأ بالقلي وبتكون الكبة صارت جاهزة وممكن نقدم معها المحمرة







وألف صحة وعافية على قلوبكم