-- علي أد لحافك مد رجليك. ولا احنا غاوين فشخـره
علي أد لحافك مد رجليك و ايديك
تبرعوا لغزه
غزه محتاجه كهربا و غاز
مصر ترسل سفينه مساعدات للصين بعد ان ضربها زلزال عنيف
دي عينه من اللي بنسمعه كل يوم سواء في نشره الأخبار او
علي النت
أنا مش ضد ان بلدنا تمد ايد المساعده لبلد تانيه محتاجه بس
لما نخلص مشاكلنا احنا الأول صح؟؟
يعني مايكونش فيه حوالي 3 مليون شخص
بيزاحموا الأموات في المقابر
عشان مش لاقيين مكان يعيشوا فيه
و المقابر يعني مش المكان الجميل ان حد يعيش فيه
و لا يكون عندنا حته زي قلعه الكبش مش
واصلها لا ميه نضيفه و لا كهربا و لا غاز
ونقول تبرعوا لغزه و غزه محتاجه كهربا و غاز
طب مابلدنا فيها مناطق محتاجه للغاز و الكهربا
مابتتكلموش عنها ليه و تقولوا تبرعوا ليها؟و لا
احنا زي القرع نمد لبره؟
لما الناس في قلعه الكبش عايشين في بيوت خشبيه معرضه
للحريق في اي وقت و محتاجين
مساعده البلد مش اولي تساعدهم بدل ماتبعت معونات للصين و
لا فلسطين؟
و لا احنا خلاص استكفينا و ووفينا كل المناطق المحرومه
اللي عندنا و بدأنا نعرض خدامتنا علي البلاد التانيه
فكركم جرايم القتل اللي عماله تزيد كل يوم
مالهاش علاقه بالفقر؟
البني ادم لما مايقدرش يلاقي قوت عياله و قوته يبقي
مانتوقعش منه انه يقف ساكت
نتوقع منه اي حاجه قتل, سرقه, اغتصاب
انا مش ضد اننا نقف جنب حد محتاج
لكن لما يكون قدامنا ناسنا محتاجين يبقي أولي اننا نساعدهم الأول
و بعد كده نبص لبره و لا ايه؟؟
لحد امتى هنفضــل كــده ؟؟؟!!!
:cry_1::cry_1:
المفضلات