**بحبكــ**
بعد 6 اسابيع : بحبكــ بحبكــ بحبكــ ... بحبكــ
بعد 6 شهور : اكيد بحبكــ
بعد 6 سنين : ياساااااتر ! يعنى لو مش بحبكــ كنت هاتجوزكــ ليهــ ؟؟؟

**بعد الشغل**
بعد 6 اسابيع : حبيبتي انا جيت من الشغل
بعد 6 شهور : انا رجعت
بعد 6 سنين : فين الاكل ؟؟

**جرس التليفون**
بعد 6 اسابيع : حبيبتي فى حد عايزكــ على التليفون
بعد 6 شهور : التليفون دة ليكى
بعد 6 سنين : ماتردى ! انا عندى صداع

**وقت الغدا**
بعد 6 اسابيع : ماكنتش اعرف ان نفسكــ حلو اوى كدهـ
بعد 6 شهور : عاملة ايه النهاردة
بعد 6 سنين : بامية تانى

**لما تشترى فستان جديد**
بعد 6 اسابيع : مبروكــ ياحبيبتي , هياكل منكــ حتة
بعد 6 شهور : انتى جبتى فستان جديد تانى ؟
بعد 6 سنين : همم بكام ؟

**لما يتفرجوا على فيلم**
بعد 6 اسابيع : تحبي نشوف فيلم ايهــ ؟
بعد 6 شهور : ماتقلبيش المحطة انا عايز الفيلم دة
بعد 6 سنين : انا رايح السينما , نامى انتى بقى

**لما تعزم اصحابها**
بعد 6 اسابيع : ومالهــ اهلا بيهم فى اى وقت
بعد 6 شهور : انتى كل اسبوعين هاتعزميلنا حد ؟
بعد 6 سنين : يوووووهــ دة مابقاش بيت

**لما يروحو السوبر ماركت**
بعد 6 اسابيع : تحبي تروحى انهى سوبر ماركت يا حياتى
بعد 6 شهور : ومالهــ عم انور البقال ؟
بعد 6 سنين : انتى بتودى الاكل فين !؟؟

**لما ييجى عيد ميلادها**
بعد 6 اسابيع : معلش كان نفسي اجيبهولكــ الماظ
بعد 6 شهور : خدى 50 جنيه وهاتى اللى انتى عايزاهــ
بعد 6 سنين : مش عيد ميلادكــ كان السنة اللى فاتت هوكل سنة ولا ايهــ !؟

**فى العيد**
بعد 6 اسابيع : حبيبتي الكحكــ والبسكوت برة على السفرة
بعد 6 شهور : مش واجب بقي مامتكــ تجيب لنا الكحكــ
بعد 6 سنين : مش لازم كحكــ السنة دى .. انتى تخنتى اوى

**وهى رايحة للدكتور**
بعد 6 اسابيع : حبيبتي قولى بى قبلها عشان اعمل حسابي فى الشغل
بعد 6 شهور : خدى مامتكــ ولا حد من صحابكــ
بعد 6 سنين : دكتور دكتوووووووور .. مانتى زى البمب اهو

**الاطفال**
المولود الاول : زى القمر .... شبهكــ
المولود التانى : شبه اخوهــ
المولود التالت : ياريت تخللى بالكــ المرة الجايهــ