الي شطري الأمة من المصريين أقول:
************************************************** **********
وطنا مش مستعد
اللي بنيناه يتهد
طول عمرنا شعب واحد
شركاء في كل مجد
مسلم ومسيحي أخوة
ودافعنا بكل قوة
عن مصر بلدنا الغالية
وشايلينها في قلوبنا جوة

************************************************** ***********
مصر د انتي أرضنا
مصر لينا كلنا
مش بس وطن ساكنينه
د انتي اللي ساكنه قلبنا
عايشين همومها وفرحها
وياما داوينا جرحها
ما يجيش واحد مش منها
عايز يفرق شملنا
********************************************
يوم ثورة تسعتاشر
ثار لمصر كل حبيب
وهتفوا بصوت واحد
يحيا الهلال مع الصليب
وف حرب تلاتة وسبعين
جرجس كان جنب حسين
علي نصر مصر إتعاهدوا
علي خط النار أسدين
************************************************** ***********
عصام قمر