تيجى نغير الواقع
تيجى نغير الواقع
إحلم معايا ياصديق إحلم معايا ياحبيب إحلم معايا يا رفيق
باحلم وانت بتحلم وكلنا بنحلم خطابى ده موجه لكل واحد وواحده بيحلم وبتحلم ان البلد دى تتقدم وتتغير بينا لأن التغيير فيها بينا ولينا يلا بقى أنا حلمت كتيير وانت حلمت كتيير طب والنتيجه !
أه النتيجه سألت نفسك قبل كده فين نتيجه حلمى معقول هنقضيها أحلام وبس لا لازم عمل أيوا يلا بقى نبتدى نحاول نحقق أحلامنا كل واحد جواه حلم نفسه يحققه بس حلمنا النهارده حلم بيجمعنا كلنا عشان بلدنا حوالينا مليان بالسلبيات وكل الواحد ما يشوفها يضرب كف على كف ويبقى متضايق ياترى شايف ان ده كافى ! ياترى انت كده بتعمل حاجه ! أكيد لا عايزين نغير كل حاجه وحشه بتحصل حوالينا بقى. يلا نبدأ وبدايتنا مش هنغير حكومه ولا نغير بلد احنا عايزين نبدأ بتغيير سلوكياتنا الغلط أيوا ممكن تكون شايف ان الموضوع راح بعيد عما كنت متخيله لا طبعا لو قدرنا نغير سلوكياتنا هنقدر نتغير تدريجيا وتتغير بلدنا بينا بالطبع التغيير يجب أن يكون من دواعمه (الرأس) بس احنا شايفين ان رأس البلد مش فاضيالنا يبقى نبتدى مع نفسنا على أمل يجى الدور على حد مننا يبقى فى موقع يسمحله بالتغيير اللى بنحلم بيه.
يلا نبتدى الموضوع ده يبقى أول حجر فى حائط التغيير اللى هيبنيه كل واحد مننا فى نفسه ,بيته ,الحى اللى بيسكن فيه ,لغايه ما يوصل التغيير للبلد كلها أنا هابتدى بوضع شىء سلبى حوالينا ونشوف مع بعض ازاى نقدر نغيره كل واحد يقول رأيه ونشوف سبل الحل وفى الآخر نوصل لروشته نعمل بيها كلنا وننتقل من سلبيه لأخرى لغايه ما نشعر بالتغيير وآثاره ولو قدرنا نغير أى سلوك حوالينا يبقى احنا فعلا قدرنا نعمل حاجه وهتشوف مدى فرحتك لما تعمل ده.
المسجدأزيك بقى لما نتكلم عن المسجد يبقى بنتكلم عن النظام فى الصلاه مش هاتكلم عن الصلاه عشان مش موضوعنا لكن ياترى المفروض واحنا فى المسجد يكون شكلنا عامل ازاى طبعا منظمين وأكيد شكلنا بيدل على ديننا انه بيحث على النظافه والنظام طب ايه رأيكم فى شكل الأحذيه أمام باب المسجد
ياترى ليه كده وياترى لما واحد مش مسلم يشوف منظر زى ده هيكون وجهه نظره ايه عن ديننا خصوصا لو واحد ميعرفش حاجه عن الاسلام أصلا المشكله اننا بنسيب الأماكن المخصصه لوضع الأحذيه وكله بيقوم بترك حذاءه على باب المسجد وطبعا كلكم عارفين وانتم خارجين اللى بيلاقى حاجته متبهدله واللى بيلاقى كل فرده فى حته واللى ممكن ميلاقيش حاجه خالص !
* الأسباب :-
1- التعود على هذا الفعل مما نراه ونحن صغار أمامنا دون سؤال أنفسنا هل هذا صحيح أم لا .
2- الذهاب متأخرين للمسجد مما يدفعنا للهروله للحاق بالركعه مثلا ونلقى الحذاء خلفنا.
3- عدم وجود أماكن لوضع الأحذيه.
* طرق العلاج :-
1- توفير أماكن لوضع الأحذيه إذا لم تتوافر ولو بجمع المال من بعض الأصدقاء وشراء جزامات تستخدم للمسجد.
2- طرح الموضوع مع الإمام ومناقشه امكانيه طرحه فى خطبه الجمعه مثلا لحث الناس على تحسين هذا الوضع.
3- وضع لافته أمام باب المسجد تخبر المصليين بوضع الأحذيه فى المكان المخصص لها ونزعها بعد إصلاح هذه العاده السيئه.
4- كل من يرى فرد يدخل المسجد بجانبه ويترك حذائه ننصحه بوضعه فى المكان المخصص له حفاظا على شكل المسجد.
أظن أن هذه نقطه نظام هامه لو تعودنا عليها ستحدث فرق فى حياتنا ليس فى المسجد فقط وكانت هذه بعض الأفكار عندى يلا نبتدى والكل يعاهد نفسه انه يبتدى وكمان ممكن بعد ما نغير كله يحكى اللى عمله والمسجد اتغير ولا لا.
رد مع اقتباس
المفضلات