لليوم الثاني على التوالي: أولياء الامور يتظاهرون رفضاً لقرار تحويل القومية إلى تجريبية

[محمود التهامي]

لليوم الثاني على التوالي: أولياء الامور يتظاهرون

رفضاً لقرار تحويل القومية إلى تجريبية

تحويل مدرسة 6 أكتوبر القومية إلى تجريبية

لليوم الثانى على التوالى، تظاهر صباح اليوم أولياء أمور مجمع مدارس أكتوبر القومية للغات بمدينة 6 أكتوبر، احتجاجاً على قرار وزير التربية والتعليم الدكتور أحمد زكى بدر، بتحويل المدرسة إلى مدراس تجريبية “مستقبل”.

بدأ أولياء الأمور احتجاجهم من الساعة السابعة والنصف صباحا أمام وداخل أبواب المدرسة فى احتجاج مفتوح، مطالبين الدكتور أحمد زكى بدر وزير التربية والتعليم والدكتور فتحى سعد محافظ 6 أكتوبر، بالتدخل لحل الأزمة، وإلغاء قرار الوزير.

وصف المتظاهرون القرار بـ”المفاجئ والصادم” خاصة، وأنه جاء مع بدء امتحانات منتصف العام الدراسى، مما سبب حالة من القلق والتوتر بين أولياء الأمور مما دفع بعضهم للتقدم ببلاغ مساء أمس الأحد إلى قسم أول أكتوبر ضد الوزير برقم 6625 لإلغاء القرار.

وطالب المتظاهرون بضرورة إلغاء القرار، مهددين بتحريك دعوى قضائية ضد وزير التربية والتعليم.

أول مدرسة مستقبل على مستوى محافظة 6 أكتوبر, أولياء الأمور يعترضون على قرار وزير التعليم بتحويل المدارس القومية لتجريبية, تحويل القومية إلى تجريبية, تحويل المدارس القومية إلى تجريبية, تحويل المدرسة إلى مدراس تجريبية, تحويل المدرسة القومية إلى تجريبية, تحويل المدرسة القومية للغات إلى مدرسة مستقبل, قرار تحويل المدارس القومية إلى تجريبية, مجمع مدارس أكتوبر القومية للغات, مدارس أكتوبر القومية للغات بمدينة 6 أكتوبر, مدارس قومية إلى مدارس المستقبل.

[محمود التهامي]

لمن يهمه الأمر


على حسب تصريحات الوزير
الدراسة ستستمر كما هي
ولا يوجد أي تغيير أو تعديل على نظام الدراسة ولا المدرسين
والتغيير والتحويل هو في الهيكل الإداري فقط
فمن يدرس لغات سيستمر في دراسته
ومن يدرس أميريكان سيستمر في دراسته
ومن يدرس بريطاني (IG) سيستمر في دراسته


وذلك بعد أن قضت المحكمة بحل الجمعية ومجلس إدارتها
لمخالفاتهم المالية والإدارية الجسيمة

مع العلم أن التحويل هو لمدارس الجمعيات المخالفة فقط وليس للكل
وما تم تحويله فقط هو اربع مدارس تقريبا من اصل اكتر من اربعين مدرسة

ملحوظة كمان
المخالفات المالية الشديدة دفعت الوزارة للجوء للقضاء لحل الجمعية واستلام ادارة المدارس حفاظا على المال العام
حيث أن المدارس ومنشئاتها هي ملك للوزارة وليست ملكية خاصة على عكس ما يتخيل البعض
ودور الجمعيه هو فقط ادارة المدرسة وهو ما ثبت فشلهم فيه

[lionking]

كل كلام الوزير غير صحييييييييييييييييح


حسبى الله ونعم الوكيل

المدرسين لسة قابضين مرتب شهر 12 وتم ابلاغهم ان ده اخر مرتب من القومية

اذن من الاشياء المترتبة على هذا القرار

سوف يقدم المدرسين استقالاتهم نظرا لتدنى المرتبات

وستاتى الوزارة لنا بتحف المدرسين ذوى العقليات المتحجرة والمتاخرة

وبالتالى تتاخر العملية التعليمية

وينحدر المستوى التعليمى الى ان يصل الى مستوى التجريبيات المتميز الذى يطمح فيه الوزير

[محمود التهامي]

أولا : مستوى التجريبيات فعلا متميز
والدليل
أوائل 6 أكتوبر كل سنة من النصر التجريبية بالمتميز ومبارك التجريبية بالسادس
وماشوفتش قبل كدا اوائل من قومية اكتوبر

ثانيا
لو حضرتك سألتي أي مدرس في أي مدرسة خاصة
هتعرفي وتتأكدي
إن مرتبات المدرسين في المدارس الخاصة
أقل من المدرسين في المدارس الحكومي
طبعا غريبة
بس السبب
ان المدارس الخاصة معروف ان دروسها اغلى بكتير من الحكومي
وكل طلابها بياخدو دروس
على عكس الحكومي
اللي فيها مجموعات مثلا
وفيها من لا تسمح حالتهم المادية بدروس ولا مجموعات
يعني بشكل اوضح
المدرس لما بيشتغل في مدرسة خاصة عمره ما بيفكر في مرتب
لان دخله الاساسي هو من الدروووووووس

دا مش كلامي على فكرة
دا كلام أحد أصدقائي يعمل مدرس في مدرسة خاصة مشهووووووووووورة جدا بالمدينة

[lionking]

أولا : مستوى التجريبيات فعلا متميز
والدليل
أوائل 6 أكتوبر كل سنة من النصر التجريبية بالمتميز ومبارك التجريبية بالسادس
وماشوفتش قبل كدا اوائل من قومية اكتوبر

مدرستنا لسة جديدة بقالها 3 سنين

ثانيا
لو حضرتك سألتي أي مدرس في أي مدرسة خاصة
هتعرفي وتتأكدي
إن مرتبات المدرسين في المدارس الخاصة
أقل من المدرسين في المدارس الحكومي
طبعا غريبة
بس السبب
ان المدارس الخاصة معروف ان دروسها اغلى بكتير من الحكومي
وكل طلابها بياخدو دروس
على عكس الحكومي
انت مقتنع بالكلام ده يا محمود ؟؟؟
مرتبات الحكومة اعلى من القطاع الخاص
اشـــــــــــــــــــــــك
اللي فيها مجموعات مثلا
وفيها من لا تسمح حالتهم المادية بدروس ولا مجموعات
يعني بشكل اوضح
المدرس لما بيشتغل في مدرسة خاصة عمره ما بيفكر في مرتب
لان دخله الاساسي هو من الدروووووووس
كل ده كلام فااااارغ مع احترامى ليك ولصديقك اللى بتنقل عن لسانه
دا مش كلامي على فكرة
دا كلام أحد أصدقائي يعمل مدرس في مدرسة خاصة مشهووووووووووورة جدا بالمدينة

بص يا محمود عشان بس ما نتكلمش فى حاجات مالهاش لازمة

على حسب معلوماتى المتواضعة يعنى ... اعتقد انك موظف حكومى هل تقدر تجزم ان مرتبك اعلى من موظف فى مثل سنك لكن فى قطاع خاص سواء شركة اتصالات او معارض او اى حاجة يعنى

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

نفس الحال بالنسبة للمدرسين

المدارس الحكومية ومنها التجريبية ماعندهاش موارد زيها زى الحكومة بالضبط اذااااااااا مرتباتها محدوده ومعروفة جدااااااااااا

بس كان نفسى ان انت تتكلم بناءا على تجربتك الشخصية مش تكون بتنقل كلام من واحد صاحبك

على فكرة احنا معانا اولياء امور مدرسين اوائل فى التجريبيات لكنهم رفضوا انهم يعلموا اولادهم فى هذا النظام

معلش ممكن يكون كلامى مزعج ليك شوية لكن كنت اتمنى ان اللى يتكلم فى موضوع المدارس يكون بناءا على تجربته الواقعية

احنا مثلا فى مدرستنا الطلبة فى الاعدادى مش بياخدوا دروووووووووووووس خاااااااااااالص

ليه ؟؟؟ لان المدرس بيشتغل بذمة لانه مرتاح ماديا ونفسيا


ولو المدارس دى وحشة لما كانت استمرت 50 سنة

اشكرك جدا على المداخلة لكن للمرة التالتة استسمحك ان اللى هيرد هنا يكون من اولياء الامور او اللى مجرب الحكومى والتجريبى واللغات

وساعتها هنقدر نعرف الفروووووووووووووق

معلومة ع السريع :: اولاد عمة اولادى فى مدرسة الشيخ زايد التجريبية لغات فى الصف الاول الاعدادى والصف السادس والحمد لله بياخدوا دروس فى كل المواد

شكراااااااااااااااااااااا