السلام عليكم ورحمه الله وبركاته

كيفكم يااجمل اعضاء ان شاء الله بخير

فيه موضوع بس محرج شويه بس لازم هعمله لانى بجد نفسيتى تعبانه شويه علشان قصه شوفتها لاعز صديقه عندى

قصتها كالتالى

اجوزت من 6 شهور وطبعا كاى زوجين فى انتظار خبر الفرحه الكبيره الى هى البيبى او سماع ان بيبى جايلهم فى الطريق

لكن للاسف مش حصل راحوا لدكتور طلب تحاليل طبعا هما اسعد زوجين فى الدنيا لكن اهل الزوج والزوجه منتظرين بيبى بفارغ الصبر

لكن للاسف نتيجه التحاليل طلعت بالسلب يعنى مش هيكون فيه انجاب

وكلنا عارفين ان ربنا عزوجل قال

يهب لمن يشاء ايناثا ويهب لمن يشاء ذكورا ويجعل من يشاء عقيما

لكن جت النتيجه بالسلب حياتهما اتحولت من بسمه وضحكه وفرحه الى بكاء وحزن ومرار بكل معانى الكلام

سواء النتيجه كانت بالسلب من طرف البنت او الششاب لكن عندى كام سؤال

ياترى لو النتيجه دى بالسلب من ناحيه الزوج ايه شعور الزوجه ؟ وايه هو قرارها الى هتاخدها وبكل صراحه دا سؤالى للبنات

سؤالى للشباب

لو النتيجه دى كانت بالسلب من زوجتك ياترى كنت هتتجوز عليها واصلا ربنا محلل ليك مثنى وثلاث ورباع ولا كنت هتراعى شعورها معاك وبكل صراحه ؟

ولو هتتجوز مفكرتش فى يوم لو انت النتيجه دى كانت بالسلب عندك انت ورغم انها هتتحرم من اعز واغلى شئ فى الكون هى الامومه بس هتختارك انت وعمرها ماتفكر فى البعد عنك وطبعا شوفنا كتير كدا ليه تعامل الراجل بيكون دايما قلبه قاسى وجاحد بالشكل دا

يمكن انا مزودها كتير بس بجد نفسى اعرف حاجات كتير

فى انتظار بوح مشاعر كل بنت وشاب

تحياتى لكم جميعا