الرجوله فى الزمن ده بقت مفهوم مغلوط
يعنى زمان كانت كلمه فلان ده راجل
كانت تحمل معانى ومعانى
يعنى الشهامه
والجدعنه
والاعتماد عليه فى المواقف الصعبه
وحمايه بيته
وخوفه على عياله
وحبه لاهله
كل ده فين دلوقتى ؟؟؟؟؟؟؟
بقى زى الابره فى كوم قش
فيه ذكور صحيح بس رجااااله ؟؟!!!
ايه رأيكم لما اقول لكم ان الزعامه بقت نسائيه
استنوا
استنوا بس
قبل ما تهجموا
وتبدوا برمى القنابل


خلونا كده نحللها واحده واحده وناخدها بالمنطق
شفتوا كام واحد فى خلال حياتكم شارى دماغه ومسلم الدفه لمراته هى اللى شايله المسئوليه كامله ؟


وكام واحد تانى مراته هى المخطط وهو المنفذ ؟
يعنى كده بالبلدى هى بتفصله وهو بيلبس ؟



 طيب بلاش مراته عشان الستات الغلابه اللى بيشدوا فى شعورهم ليل ونهار
من افترا اجوازهم
وكل ما تقول له الشرق يقول الغرب
مش لحاجه بس عشان يثبت انه الراجل ومش ست اللى تمشيه
وغالبا فى النوعيه دى بنشم ريحه الست الوالده فى الموضوع
او يا سلام لو كان هو الحيله فى وسط شله اخوات بنات
وكل واحده مسكاه من ودن
وهاتك يا ود ود
كده بيكون واهم نفسه ان مش ست اللى ممشياه وانه راجل وسيد الرجاله كمان

ايه رأيكم بقى ؟؟؟؟
مين ارجل ؟
جوز الست
ولا ابن امه
ولا حبيب اخواته