بسم الله الرحمن الرِحيم

بإذن الله


معا


نتعرف على العقبات التى ينصبها الشيطان فى طريقنا للحجاب...



أكيد هناك

أسباب ...

مخاوف ..

عقبات...


(( العقبة الأولى ))


1)الحاله الاولى :

 واحده بصراحه ومن غير زعل بتتلكك بأهلها لأن الموضوع على مزاجها(يعنى هى اصلا مش عاوزه تغير لبسها ..أو بتفكر لكن مش حسه انها تقدر فتروح متلككه بانهم مش هيوافقوا )

مع ان هى هى

لو عاوزه تقنعهم بحاجه من حاجات الدنيا
تفضل تزن وتزن وتتحايل وتعمل ايه ففى الاخر يزهقوا منها ويعملوا الى هى عوزاه.


وممكن يكون اقناع اهلها سهل جدا بس هى اصلا محاولتش.



 الحاله الاولى :دى عاوزين نقولها بطلى تلاكيك انتى المش عاوزه ...قولى كده وكونى صريحه مع نفسك ونحاول مع بعض نحل المشكله دى.


الحاله الثانيه
واحده اهلها فعلا مش موافقين ..بس هى كمان نفسها ضعيف
مش عاوزه وجع دماغ ..

((يعنى انا ناقصه خناق ..ما انا فى الى ما كفينى الموضوع مش متحمل ))

طيب والله حاسين بيكى ...
بس سؤال الموضوع ميستحقش !!
يعنى الجنه متستاهلش نتعب لها !!

عارفين أحنا ايه مشكلتنا ؟؟

عاوزين الجنه واحنا تحت البطانيه

من غير تعب...

بس للاسف مينفعش

اقرى كده

{أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَأْتِكُمْ مَثَلُ الَّذِينَ خَلَوْا مِنْ قَبْلِكُمْ مَسَّتْهُمُ الْبَأْسَاءُ وَالضَّرَّاءُ وَزُلْزِلُوا حَتَّى يَقُولَ الرَّسُولُ وَالَّذِينَ آمَنُوا مَعَهُ مَتَى نَصْرُ اللَّهِ أَلَا إِنَّ نَصْرَ اللَّهِ قَرِيبٌ} [البقرة : 214]

مش احنا عاوزين ندخل الجنة زيهم يبقى لازم نعانى ولو بعض الشىء مثلما عانوا

ولأن ربنا كرييييييييييييم جدا وعالم بحالنا

1** ابتلائتنا أقل ...يعنى محدش هياخدك ويصلبك فى جذع نخله ويعذبك عشان متغيريش حجابك
أخرها شويه زعيق ...
مره كانت معلمة بتقول لواحدة خايفة من أهلها لو التزمت بالزى الشرعى
قالت لها : هيعملوا إيه يعنى هيضربوكِ ويحبسوكِ على أقصى تقدير
إيه المشكله!! ..افتكرى الصحابه حصلهم إيه عشان الدين !!



وبرغم من ان ابتلائتنا أقل شوفوا الأجر

" سيأتي على الناس زمان القابض على دينه كالقابض على الجمر أجر الواحد منهم بسبعين منكم ، قال الصحابة : منا أم منهم يا رسول الله , قال : بل منكم , لأنكم تجدون من يعينكم على الحق ولا يجدون " .

والله الواحد لما بيقرأ الكلام ده بيتكسف من نفسه


سبحان الله المطلوب مننا مش مستحيل ومع كده اجر كبير جدا

افتكرى
"بدأ الإسلام غريباً وسيعود كما بدأ غريباً فطوبى للغرباء"


الحاله الثالثه
واحده فاكره بجد انه فعلا مينفعش تلبس حجاب او تغير شكل حجابها لو أهلها مش موافقين .


لا ...طبعا

قال الحبيب صلى الله عليه وسلم يقول
(لا طاعة لمخلوق في معصية الخالق)
وقال تعالى {وَإِنْ جَاهَدَاكَ لِتُشْرِكَ بِي مَا لَيْسَ لَكَ بِهِ عِلْمٌ فَلا تُطِعْهُمَا}


طيب والحل


 1_ اصدقى الله يصدقك
ادعى كثيييييييييييييييييييييير ...
الدعاء سلاح جميل جدا ...لو حتى المشكله فيكى انتى بالدعاء هتلاقى ربنا شرح صدرك وقدرتى تعملى الخطوه دى.



 2_ بالغى فى بر أهلك مع اسائتهم ليكى
ربنا قال
(((ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ)))))

تخيلى المعامله الطيبه مع عدو هتخليه ولى وصديق حميم
سبحان الله
دول بقى أهلك مش اعداء !!!

بيحبوكى جدا ويتمنوا ليكى كل خير
هى المشكله كلها انهم بيتمنوا ليكى الخير
بس من وجه نظرهم.

مؤكد هم عاوزين منك حاجات معينة
فما يلاقوكى بتسمعى كلامهم فى باقى الحاجات وبتحاولى ترضيهم
وبتعملى الى عليكى سواء مذاكره او مساعده فى البيت أو اى حاجه
مع الوقت قلوبهم هتلين

وافتكرى ان القلوب بيد الله يقلبها كيف يشاء
وانه على كل شىء قدير.