أزمتي
(أزمتي)
انا أزمتي ف قسمتي
عايزاها بيضة مقشرة في دنيتي
شايفاها حلوة معطرة
بتدور ف ساقية ممطرة
بالخير لأرض مخضرة
لكن بعيد عن حتتي
أنا أزمتي ف حتتي
عايزاها شرحة تفك ضيق نفسيتي
حساها دايرة محرمة
على أي خطوة مقربة
من كل فكرة مطقطقة
تعيد لي تاني فرصتي
أنا ازمتي ف فرصتي
عايزاها صيدة سهلة تفوت على سكتي
حباها تيجي مزقزقة
من غير ماتبقى محزقة
عشان أكون متزوقة
ليها و ف كامل فرحتي
أنا أزمتي ف فرحتي
مش لاقية ليها مقياس
يدوم على جتتي
و القسمة صدمة لبسها هدمة
هتدوب ف حكمة
يعلمها ربي
و قادر يحقق رغبتي
حنان مفيد فوزي
Updated about 4 months ago · Comment · LikeUnlike
رد مع اقتباس
رد: أزمتي
المفضلات