السيارة المصرية العجيبة
ام تلت عجلات


لا تندهش مما تراه امامك انها فعلا سيارة مصرية ب3 عجلات
والاغرب من كده انها مصنعة فى مصر من اولها لاخرها ما عدا
الماتور (صينى)
تخيل عربية مصرية ماشيه كده فى الشارع ... واااااو.. مش مصدق نفسى
العربية دى بقى انا شفتها فى معرض سيارات الفورميلا فى الهرم
ركبت جواها شفت المنظر ده



المنظر ده كده من اليمين للشمال.. اول حاجه دى رجل واحد كان قاعد جمبى ..فى نص الصوره هتشوفو الفتيس العجيب شكله غريب جدا بصراحة
اصلا واحنا فى العربيه جه ناس يتفرجو عليها ومستغربين اكنهم شايفين عربيه جاجوار او بورش ههههههههه
وشاب منهم جه فضل يهز فى العربيه علشان يشوف الاتزان طبعا علشان ب3 عجلات
قلتله ايه ياعم انت هتقلب العربيه بالراحه عليها.. فضل يضحك !!

جدير بالذكر ان العربيه متووفره بعدة محركات ههههههههه
100 سى سى و 200 سى سى و 250 سى سى
اما العداد فاقصى سرعه 120 ويارب يجيبهم والعربية المصريه العجيبه مزوده بكاسيت صناعه مصريه 100%



مش عاوز اطول عليكو الى عاوز اقوله من الاخر
انى على اد منا مصرى وفرحت جدا لما شفت العربيه دى مصرية
على اد منا متحسر على شكلها الهزيل وضعفها ..ههههههه
ربنا يقويها

نسيت اقولكم انها بتترخص انها عربية ب3عجلات
مش توكتوك

[IMG]http://teclogo.com/wp-****************************/uploads/toktok.jpg[/IMG]