فى عرض كويس ومعقول مصنعيه

**يسرى لطفى** · 12-06-2009, 03:26 AM

جيرانى انا اخيرا وصدقونى لفيت كتير على مقاولن وشركات وربنا اخيرا هدانى الى مكتب مقاولات فى 6 اكتوبر وكان عرضه مصنعيه 13 الف للدور الارضى هيكل خرسانى وسملات السور وعربية الميه هيجبها لينا ب 50 جنيه وجميع اوراق الجهاز هيخلصهلنا من دعم فى الاسمنت والمعاينات فى سرعه وصدقونى انا كتبت العقد معاهم والناس كانت متفاهمه جدا جدا وكل الشروط اللى طلبتها وفقوا عليها حتى الفع هيكون نصف مبلغ المرحله قبل الانتهاء منها والنصف الاخر بعد فك الخشب والاطمئنان على سلامة المبنىوكل ده انا ذكرته فى العقد والمواعيد اللى انا عايزها كتبتها وكمان فى شرط جزائى 500 جنيه فى حالة التأخير عن المواعيد اللى كتبنها فى العقد عن كل يوم تأخير وشفت كمان شغلهم على الطبيعه فى المنطقه الخامسه بصراحه ربنا اكرمنى بيهم وعلى فكره احنا كنا اربع افراد وكتبنا عقد ما يخرش الميه ادعولنا بالتوفيق
والشركه اسمها الفرسان للتعمير وعندهم استعداد للعمل مونه اجره بس انا ما انصحكمش بشغل المونه والاجره

**saidfathy** · 12-06-2009, 01:13 PM

COLOR="Red"][/COLORاتصل بى ضرورى علشان تليفونك مغلق علشان عاوز اعرف التفاصيل سعيد فتحى[/CENTER][/CENTER][/CENTER]]

**يسرى لطفى** · 12-06-2009, 07:52 PM

استاذ سعيد انا تليفوناتى كلها معاك يس انت اللى بتنسى على العموم خدها تانى
0103909904 0129567232 0246041812
وشكرا على تواصلك

**مارو** · 13-06-2009, 01:57 AM

يا أخ لطفي
إيه هو شغل المونه ده ؟
وعاوز أعرف بعد إذنك
منذ يوم الإستلام حتى يوم الحفر أو إستلام الترخبص بيأخذ كام يوم؟
ولك جزيل الشكر
ومبروك كتابة العقد

**يسرى لطفى** · 13-06-2009, 03:01 PM

شغل المونه والاجره عباره عن بتتفق مع مقاول او شركة مقاولات على انه هيشترى الاسمنت والحديد وكل مستلزمات البناء وانت هتحاسب على الاجمالى على دفعات اثناء التشغيل وطبعا المقاول بيحاسب على اغلى خامات ولكن الواقع مع معظم المقاولين انهم بيجيبوا خامات رديئه ورخيصه علشان يوفروا فلوس اكتر علشان كده انا بافضل اشتغل مصنعيه واجيب انا الخامات
اما بالنسبه لموضوع ما بعد الاستلام تروح لمكتب استشارات معماريه يعملك جسه للارض وشهادة اشراف وصورةمحضر استلام الارض وصورة البطاقه وطلبات الترخيص وهتلاقيها فى الجهاز وتقدم على الرخصه بس لازم يكون مر على استلامك للارض 21 على الاقل
وشهادة الاشراف بتكلف هى والجسه 550 جنيه وممكن تعملها عند نفس الشركه اللى هتبنيلك زى اللى انا عملت معاها العقد
ويا عم الله يبارك فيك وعقبالك
وانا تحت امرك فى اى وقت على التليفون