احلى كلام فى حب مصر(المسابقة الجديدة)

[اميرة حبى انا]

السلام عليكم ورحمة الله وبركاته
توقفنا مدة بسبب الامتحانات
لكن الحمدلله الامتحانات خلصت وولادنا نجحوا ولله الحمد
الا اللى عنده حد فى ثانوى ربنا معاه
المهم
هنبدأ مسابقة جديدة
اتفضلوا
*
*
*
*
*
المسابقة عبارة عن
احلى كلام ممكن يتقال عن مصر
احلى موضوع عن مصر
والشروط كالاتى:
1-احلى كلام يعنى من غير كلمة اعتراض واحدة
2-احلى كلام يعنى عدم ذكر اى حاجة وحشة او سلبية داخل البلد
3-المسابقة مدتها اسبوع
4-ممنوع مواضيع قديمة كانت موجودة سابقا كله جديد
5-كل عضو يشترك بموضوع واحد فقط
6-ولو حد اشترك بموضوع مكرر هيتحذف من غير زعل
7-يتم كتابة عنوان ورابط الموضوع هنا
8-عدم كتابة اى تعليقات هنا فى مكان المسابقة
الفائز او الفائزة
يتم وضع وسام التميز تحت اسمه/ا لمدة شهر
ووسام اخر دائم
ارجو قراءة الشروط جيدا
المسابقة تبدأ من الغد الخميس 11/6
وتنتهى الاربعاء 17/6
يعلن عن الفائز/ة
بعد قراءة مواضيع المشتركين واختيار احلى كلام عن مصر
مع تمنياتى للجميع بالتوفيق والفوز

[DMR]

مسابقة حلوة اوي يا اميرة المنتدى
و ده الرابط

http://www.6ocity.net/vb/showthread....2216#post22216
الموضوع بعنوان : قصيدة في مدح مصر

[kabo]

بهذه الطريقة سوف تكون المسابقة بين الشعراء الذين قاموا هم بكتابة اشعارهم ونحصل نحن على الجائزة لمجرد اننا نقلنا كلامهم

وفى نفس الوقت كيف ستكون المسابقة بين ما اكتبه انا كعضو فى المنتدى وبين من نقلتهم لهم مثل نجيب محفوظ او العقاد او طه حسين او الابنودى او واحد من المجمع اللغوى

هل المطلوب ان اكتب وانافس العقاد وطه حسين
ام انكم تجبروننا على النقل ومنع العقل

ارجو منكم التكرم بمراجعة الشروط لان مستحيل هنعرف ننافس واحنا عايزين نشارك

ستقعون فى احراج كبير لو اخترتم الجائزة مثلا موضوع لواحدة صاحبتك وموضوعها المنقول يفوز على موضوع كتبه توفيق الحكم او نجيب محفوظ

وارجو ان الرد يكون بهدوء
وليس مثل ردكم اللى فات على كلمتى بان اللى يعرف يكتب مش كتير واللى ميعرفش ينقل

[kabo]

اقترح ان تكون المنافسة فى حب مصر اللى احنا عايشينه والى احنا حاسين به مثل كتابات ناس كتيرة هنا
نتمنى تدونا الفرصة نكتب لكن لو النقل مسموح مستحبل هانعرف ننافس الادباء العالميين

ارجو عدم تكرا مسح كلمتى

[اميرة حبى انا]

استاذ kabo
لم يتم مسح كلمات اى حد الا لسبب واحد
ان ده مكان المسابقة وارجع حضرتك للمكتوب فى الاول هتلاقينى طلبت الرابط وعنوان الموضوع فقط
ومع ذلك الرد اهو بس كله هيتمسح لان الكلام اللى مش المفروض انه يتكتب هنا اخد مساحة كبيرة
اذا حضرتك صاحب قلم مبدع مثل والدك
فأهلا ومرحبا بيك معانا وبابداعاتك
وصدقنى الموضوع مش موضوع منافسة الادباء الكبار
مجرد ان انسان يبدع من نفسه ده شئ رائع وجميل
وانا هعرف اكرم المبدعين وغير المبدعين
اللى هينقل حاجة فى حب البلد دى وتعجبنا هنكافئه
واللى هيبدع هنقدره كويس اوى
وبكرة الايام تثبتلك
حضرتك بعد ماتقرا الكلام ده
هحذفه وهحذف كلامك لان ده مكان المسابقة بس
مش مكان تعليقات ولا اسئلة
ارجو ان اكون رديت رد يرضى حضرتك