عايزة فكرة مشروع في اكتوبر

[hanaa2008]

الاعضاء والجيران الاعزاء
عندي محل او مكتب مساحته 18 متر وصافي حوالي 14.5 في الدور الاول واجهته رائعة وعايزة اعمله اي نشاط تفيدوني بايه

[Messenger of Peace]

السلام عليكم ورحمة الله وبركاته
يا استاذتي الغالية
انا في رايي البسيط ان اللي مفروض يقولك ويحدد اية النشاط لازم يطلع على المكان الاول
تانية يطلع على المكان اللي في المحل بحيث يختار نشاط يخدم اهل المكان علشان ربنا يزرقه خير
ثالثا لازم تكوني راسية اوووووي خاصة ده لو المكان ايجار اما لو تمليك مش تنزلي برضه بسيولة جامدة في البضاعة يعني تاتا
لغاية ما تثبيتي في السوق
كمان المضووع عايز دراسة وجدولة علشان تحددي اية المطلوب لان اكيد مثلا هيحتاج تجدي على نوع النشاط اكسسورات اضاءة يعين المكان لازم يكون متدلع علشان يلقى ترويج
كمان حتة الاعلان تحسبيه مكان الاعلانات هيكون ازاى
كمان حتة الترخيص لو مش مترخص
كمان اليد العاملة
ده غير ضرايب وتفتيش الخ ووزارة مش عارف اية واية

اقولكم ريح نفسك وبيعي المحل

انننا بهزر بس لازم الحاجات ديه تكون في الحسبان
وده رايي الشخصي وليس الا (اكيد انا نظريتي ضيقة ولكن اردت ان ابلغكم عما فكرت به)
لكم من فائق الاحترام والتقدير
وربنا يوفقك يا ساتذاة

[hanaa2008]

معاذ1993
اشكرك على ردك واهتمامك وماشاء الله لو فعلا سنك 15 سنة يبقى باذن الله هنسمع عن رجل اعمال من اكتوبر اسمه معاذ من مواليد 1993
عموما هو المحل تمليك وفي الحي الاول بس في المنطقة الثامنة مش فيها سكان كتير وانا فكرت في سايبر بس خفت من المصنفات ومش المصنفات وبعدين فكرت في سوبر ماركت بس مش كل الناس بيطلعوا للدور الاول علشان يشتروا حاجات من السوبر ماركت واخيرا فكرت في موضوع السعر الموحد ب2.5 بس لسه المكان مش زحمة اوي ودا بيبقى عايز حركة لان مافيش حد بينزله مخصوص لكن بيكون اثناء التسوق
فانا على فكرة بافكر في تاجيره لفترة او بيعه
عموما انا شاكرة جدا اهتمامك بالموضوع
وياريت لو فيه حد يقدر يفيدنا يبقى كتر خيره

[الامير عماد]

[]

هو بما اني عندي محل فانصحك تفكري كتير قبل ماتفتحي اي مشروع بصي عالحاجات اللي بتنقص السكان في المنطقة دي وحاولي توفري في مصاريف التشطيبات لانها خراب بيوت ويفضل انك تفتحي مشروع تكوني فاهمة فيه عشان ماحدش يضحك عليكي : يسرقك بمعني اصح

ولو عالافكار ممكن تفتحي كوافير حريمي لانه اقتصادي شوية ومش محتاج مساحة محل

[Messenger of Peace]

معاذ1993
اشكرك على ردك واهتمامك وماشاء الله لو فعلا سنك 15 سنة يبقى باذن الله هنسمع عن رجل اعمال من اكتوبر اسمه معاذ من مواليد 1993
رجل اعمال حتةواحدة كلها احلام بس ميضرش برضه يا استذانتا ( الله يخليكي على الدعوة المتفائلة ديه)

عموما هو المحل تمليك وفي الحي الاول بس في المنطقة الثامنة مش فيها سكان كتير وانا فكرت في سايبر بس خفت من المصنفات ومش المصنفات وبعدين فكرت في سوبر ماركت بس مش كل الناس بيطلعوا للدور الاول علشان يشتروا حاجات من السوبر ماركت واخيرا فكرت في موضوع السعر الموحد ب2.5 بس لسه المكان مش زحمة اوي ودا بيبقى عايز حركة لان مافيش حد بينزله مخصوص لكن بيكون اثناء التسوق
فانا على فكرة بافكر في تاجيره لفترة او بيعه
لا طبعا تبيعي لا لالالا
اللي عنده اي امتلاك في اكتوبر المفروض مش يفكر يبعوا ابدا
كان في حكمة سععودية بتقول " العقار مثل الابن البار"
يعني كلها خير والعقارات الحاجة الوحيدة اللي عمر ما سعرها ما يضرب ابدا
خاصة ان الشعب في الزيادة والموارد هيا هيا مش في تجديد ده على العموم
اما اكتوبر البخصوص
حضرتك لسة يتم تفريغ العشوئيات بتاعت القاهرة واكيد اكتوبر ليها نصيب من الناس اللي هتيجي
ناهيكي عن العرب كده يعني
فا موضوع البيع ده انسيه ده رايي الشخصي
ولك حرية التصرف
عموما انا شاكرة جدا اهتمامك بالموضوع
وياريت لو فيه حد يقدر يفيدنا يبقى كتر خيره
لا شكر على واجب وكلنا اخوة في مكان واحد وده اللي ماما اميرة معلمانا عليه
المنتدى مليان جهابز العقارات اكيد عنده فكرة احسن مني ملايين المرات

في رعايةالله