لو سألتك انت مصري تقولي ايه ؟


طبعا سؤال مهم قوي من واقع اغنية نانسي عجرم وهو سؤال "لو سألتك انت مصري تقولي ايه ؟؟؟؟

والإجابة من كل شخصية من دول علي هذا السؤال هتكون مختلفة حسب طبعه وطريقة كلامه ونشوف مين هيجاوب :

..................

**يسرا: طبعا مصرية ، المصري اصلا حد جميل وشخصية امورة جدا وانت حد جميل قوي انت اسمك ايه بقا؟

**أسامة منير :انا مصري بحب وبعشق كل حاجة في مصر بحب ترابها بحب سمارها بحب شمسها بحب
"خلاااص ياعم اسكت بقي:a (113):"


**أشرف عبد الباقي : لو سألتني انا مصري اقولك ايه؟؟ اه مصري يا معلم طبعا امال ايه يلا يا رمزي يلا طبعاااا مصري يلاااا يلااا ياد من هنا ياااد

**مرتضي منصور : نعم يا حبيبي؟؟؟ طبعا مصري انت بتشك ولا ايه؟؟ مصري اكتر منك ومن اهلك وانا عارفك علي فكرة وهاجيبك

** اللمبى : اية يا عم الكلام الى بتقولة دا اااة طبعا مصرى
ولو مسكتش هغزك بالسكينة


**معارض سياسي : لاااا يا حبيبي السؤال ده تسأله لناس احنا عارفينهم كويس قووووي ..ماااشي يا حبيبي مش ليا انا خالص انا محدش يزايد عليااااا انت فاااهم انا وطني جداااا

**نوال السعداوي: طبعا مصرية وجميلة كمان اصل الجمال مش مجرد جمال سطحي كده انا قدام نفسي اجمل امرأة مصرية


**مدحت شلبي: اولا اقولك يا مساء الانوار عليك واقولك طبعا مصري واقول للقلة المشككة المنحرفة "انتوا مش فاهمين حاجة" مع احترامي طبعا..انتوا شوية بهايم..مع احترمي طبعا..انتوا مينفعش تطلعوا علي المحطات وتتكلموا عن مصريتي لانكم كلاب مع احترامي طبعا


**ايناس الدغيدي :مصرية مش مصري ..كلمة مصري او اي حاجة مذكرة بتجيبلي اشمئزاز لاننا في مجتمع ذكوري قذر منحط

**تامر حسني : اجمل حاجة فيك يا مصري هي دي..اااااااه هي دي طييييبة قلبك:marsa117:..واجمل حاجة في ابن بلدي هو ده ااااااااااه هو ده...وبعدين يا عم هو انا كنت اعرف اربي شعرى ده من غير مصر مصرونيلها الطيب هو اللي نبت شعري المشهور ده وبعدين انا نجم الجيل المصري

حمادة هلال : مصري وابن بلد واحب اقول لمصر "واقع في شبكتك وبخطط وبتكتك..مستني اللحظة اللي الاقيني شبكتك اااااااه ما انا قلبي اتخبط واتقطع واتفرتك "


**اخوان مسلمين : مصري مسلم موحد بعون الله واحب اقول "اسلااااااااامية اسلاااااااااامية" والاسلام هو الحل :a (62):


**مني الشاذلي: نعم نعم انا مصرية..ولكن عفوا لا اسمعك بوضوح

**هانى شاكر : مصرى طبعا دى مصر دى حبيبة قلبى
يا حبايب قلبى من جواة اموووووة

**عدوية: طبعا مصري ياااعم..امال يعني ايه ياااعم..والناس الحلوة دي ايه يااااعم..والصحبة الحلوة دي ايه ياااااعم...طبعا مصري ياااااعم





يلا مع بعض كدا .. كل عضو يبين لينا اسلوبة
فى الكلام والرد
وانت هتقول ايه لو سالتك ؟؟؟؟:biggrin2::biggrin2: