بحــــــر عنيكـــــــى غرقنـــــــى

**ابو اسامه** · 17-12-2010, 11:29 PM

بعيد عن عيون الناس

قعدنا نحكى قصتنا

ونتكلم .. ونتحاور

ونفهم بعض من نظرة

ونرسم خيط محبيتنا

تقولي حبيبي حييتك

أقولك .. لأ.. أنا أكتر

تنامي في عيني من جوه

ورمشي كمان يغطيكى

تقومي الصبح تحكيلى

وتهديني .. وترضيني

وأنا بسمع لكن ساكت

ابص في عينها واستغرب

حياتي فيها مرسومه ..

بأفكاري .. بأشعاري

بهمسي .. بكل أسراري

وتستغرب .. وتستعجب

حبيبي . سيبنى أتكلم

و ساكت ليه .. ؟

منا ها يم .. منا دايب

وبحر عنيكى غرقنى

وموجك والله كان عالي

تودينى .. ترديني

يا أحلى ما رأت عيني

وأنا بغرق .. لكن مبسوط

وساعة الجد .. ألاقى أيديكى ممدودة

تقولي فداك حبيب قلبي

عمري فداك .. قلبي فداك

معاك أنا لسة مولودة

طفلة بريئة شكلها .. على راحتك

خليني أكون جنبك

دي ساعة العمر معدودة

حبيبتي خلى دنيتي فرح

ضميني على صدرك

خليني أعيش عصرك

أشوف بدرك .

أشوف أجمل عيون سودة

وأنتي معايه حياة قلبي

كأنك لسه مولودة .

معاك هبدأ من الأول

وهشطب اللي فات كله

وأقولك يا حياة قلبي ..

ساعات العمر معدودة .

معاكى والله معدودة .

مع تحيات / أبو أسامه ...