امى بتسلم عليكم.... وبتقولكم عندكم طماطم

[الطاوس الحزين]

حين طرق باب بيتنا ... ليقول لى ولد الجيران

امى تسلم عليكم وتقول عندكم .... طماطم....!!

ابتسمت من قلبى ....

وقلت له عندنا ...

يا اهلا بالجار الصغير ....

منذ متى لم يطرق بابكم احد الجيران لطلب

طماطم او بصل او عيش... !!!

ربما تقولون اننا بخير ونعمه ولم يعد الطلب من الجيران

له ضروره ... ولكن لا اعتقد

فقدنا الطلبات الصغيره بين الجيران

فقدنا طعم الجيره ...

كان الجار يطلب من جاره بصل

وبعدها يرسل له قليل من الطبخه

عيش وملح

الان تعد الطلبات بين الجيران عيب وقله ذووق ... !!

وقد تستغرب ان يطرق جارك بيتك بدون موعد واذن مسبق واتصال

وقد يتهم الجار بالجنون حين يطلب طماطم

زمان لم تكن الحاله الاقتصاديه مثل الان

اليوم فواتير وديون واقساط واسعار مواد غذائيه عاليه

وعيب نطلب وندق باب الجيران...

زمان حياه بسيطه وقلوب ابسط ,,, وصغار الجيران

وجمله .... امى تسلم عليكم وتقول عندكم بصل

جميله العباره

بجمال البساطه

وجمال المحبه

وجمال روح الجيران التي تجمعها الوحده

كنا بيت واحد

وطبخه وحده

اخبرتنى جدتى

ان الاسر قديما تشعر بمدى حاجه جارها

وترسل له من غير طلب

واذا رب البيت أحضر لبيته ما ينسى جيرانه ...

واذا بقى شي من العشاء... يرسل للجيران( طبق)

واليوم يزعل الجار من بقايا العشاء باعتبرها فضله....

ليست المساله بمجرد الطلب
وليست عباره امى تسلم عليكم وتقول عندكم طماطم هى المحك

لا ....

ولكن العلاقه نفسها فقدت طعمها

فقدت دفئها

فقدت الجيره

لم تعد الحياه لها طعم بعد الاستغناء عن بصل وطمام عيش الجيران

وحين نعطى الصغير طلبه ... نتنتظر عودته بطبق من عشائهم ...

ليتها تعود تلك الايام ... رغم انى لم اعشها حقيقه

ولكن احيانا اتمنى عوده ايام ماضيه بزمن جميل

وجيران ترسل وتسال وتطلب

بدون قيود و حياه ممله ورسميات قاتله

احضرت الطماطم لابن الجيران .... ووصلت لنهايه كلامى

قول لماما امي تسلم عليكم وتقول .. اذا احتجتي اي شيء هذا بيتكم في أي وقت

وخرج الصغير ولسانى حالى يقول:

شكر لك عشت معك لحظات اصبحت مفقوده .... بزمن لم يعد الجار يعرف جاره

[lionking]

والله عندك حق يا طاوس

دلوقتى مفيش خالص الكلام ده والجيران مش بتعرف بعض اصلا

وكل واحد عايش الدور على اللى جنبه

محدش طايق حد ولا حتى طايق نفسه

وزى ما قلتى

لو الباب خبط الواحد بيتخض

وتلاقيى نفسك بتقولى

خير

مين اللى هيجيلنا يعنى


وعلى فكرة
انا كمان زيك ونفسى ايام زمان ترجع والجيران الحلوة

والناس كلها تبقى زى زمان


تسلم ايدك ع الموضوع الجميل ده

[abo trieka elking]

بس انا اعتقد ان فى جيران قريبة قوى من بعض

[kabo]

اعتقد ان هذا الزمن لسه موجود فى الارياف

[خلود]

يأهلا بالعوده ياطاووس وعوده جميله بموضوع اجمل

ولكن انا رأيى لسه فى جيران قريبين اوى من بعض وده بيعتمد على الجاره نفسها او انتى لو حاسه ان جيرانك كويسين هتقربى منهم وتخلى علاقتهم بيهم كويسه وفى حالات كتير بيكونوا اقرب للاهل

انا شخصيا الحمد لله علاقاتى بجيرانى كويسه جدا وبنعمل زى ما بتقولى كده استلف طماطم هى تستلف ملح

والعيال بيلعبوا مع بعض واحيانا كتير يختلفوا سوا ويخاصموا بعض ولكن انا وهى ملناش دعوه بكده هيتصالحوا تانى

مش كل حاجه نلوم الزمن الناس هى اللى نفوسها اتغيرت وبقم يخافوا من جيرانهم ليحسدوهم او يحقدوا عليهم

ولو انى برضو بقول ان الاعتدال مطلوب فى كل شئ اه انا علاقتى بجيرانى كويسه لكن مش كل حاجه هتتقال ومش كل حاجه هتتعرف اكيد فيه خصوصيات لكل بيت وعلينا احترامها

شكرا لموضوعك الجميل ياطاووس وعوده دائمه ان شاء الله