نفسى
نفسى اشوف الدنيا هاديه
ولا اشوف الخلق راضيه
نفسى يوم نشوف طريقنا
نعرف ليه ربك خلقنا
مش عشان نشكى الهموم
...ولا نجمع فى الهدوم
نفسى يوم نرضى بنصيبنا
نفسى يوم نحمد خالقنا
نفسى منسيبش لزماننا
يسرق منا احلى جنه
جنه الطاعه بقناعه
ومن رسولنا ننول شفاعه
ماتصلى عليه فى سرك
ده الامين فى الدنيا حرك
خلق نايمه من سنين
اوعى تكون زى الكتير
مذنب ولمعاصيه سجين
قام ونام فى الدنيا ناسى
خالق له عليه حقوق
اوعى تكون فى الدنيا قاسى
مش هتلاقى هناك فروق
بين حيوان عايش ف غابه
ولا واحد من الديابه
وبين انسان عاقل وراسى
نفسى اشوف الدنيا هاديه
ولا اشوف الخلق راضيه
نفسى يوم نخلص عملنا
ونرمى على الرحمن حمولنا
هو اللى قادر بأمره
يطول للعبد عمره
او يكونله جحيم فى قبره
كلمه اخيرة من عبد ز يك
هى يابنى الدنيا ساعه
خليها تكون ليك طريق
وللحبيب فى الجنه رفيق
دى الامانى مش اغانى
ادعى وربك يستجيب
رد مع اقتباس
المفضلات