صدق او لا تصدق

[خلود]

اخباركم ايه اصحابى واخوانى

جايبه لكم فكره جديده النهارده وعايزه الكل يشاركنى فيها

هى موضوع صدق او لا تصدق

كل اللى عنده عجيبه -- طرفه--حاجه غريبه صعب تصديقها

هيتفضل بوضعها معانا هنا فى موضوعنا واتمنى من الجميع التفاعل والمشاركه

[خلود]

واتا هبتدى اقول لكم حاجه بس حقيقيه حصلت فعلا ماما حكتها لى

واحد ماشى فى الشارع وقع اغمى عليه الناس اتلمت عليه واقف راجل اتصل برجال الاسعاف وبعد شويه الراجل اللى وقع الناس فوقته وقام وقف وبقى كويس

وعايز يمشى الناس قالو له اقعد شويه كده علشان الاسعاف جايه وميبقاش بلاغ كاذب رفض وقال انا بقيت الحمد لله احسن اقعد ليه بقى

وخد بعضه ومشى

الراجل اللى اتصل بالاسعاف فكر شويه وقال اقعد استنى الاسعاف لما يجيوا واعمل نفسى تعبان وخلاص

قعد على الكرسى وصلت الاسعاف والمفاجأه لقوا الراجل مات ولا بيصد ولا بيرد

لا حول ولا قوه الا بالله

طلب الاسعاف لنفسه

يلا بقى عايزه مشاركاتكم وتفاعلكم

[د/مروة]

مرة واحد ضحك ع واحد وقال ليه أنه يوم الجمعة أتلغي من أيام الأسبوع

[مارو]

واحد صاحبنا مسافر السعودية منذ 20 سنه
قريباً إبنه تعب بمرض السرطان
جلس يعالجه 6 شهور وزيادة لحد ما شفي والحمد لله بدون أن يخبر والدته وإخواته وظل كاتم الموضوع في قلبه وكل يوم يبكي من مرض إبنه إلى أن جاء الكيماوي فإنفضح أمره وقال للجميع عن مرض إبنه ولكن الحمد لله تم شفاء الإبن
ولكن حدث ما لم يكن بالحسبان
في آخر جلسة من الكيماوي وفرحته بشفاء إبنه
لا حظ الجميع إصفرار عيون الأب
وراح كشف وقالولو إنه عنده القناه المرارية مسدوده وعمل عملية لإزالة المرارة وأثناء العملية وجدوا عنده سرطان في البنكرياس
وبعد العملية قال لهم أنا سوف أنزل أجازة للنقاهه حتى يعود للبدأ في علاج السرطان
ونزل أجازة أسبوعين وأثناء عودته مات في الطائرة ودفن في السعودية
رحمة الله عليه

[مارو]

أعرف واحد آخر شغال مدرس في الخارج
نزل يجيب أغراض للبيت وأثناء التسوق إتصل بصاحبه ليشتري له حاجه هو كان عاوزها ووجدها أثناء تسوقه
وخلال التسوق مات
بصوا في الموبايل بتاعه لقوا آخر إتصال كان بصاحبه
إتصلوا على صاحبه وأخذه على المستشفى ولكن كان قد مات
زوجته عرفت الموضوع (كان هناك خلاف بسيط بينهما قبل نزوله للتسوق)
ظنت إنه مات زعلان منها فإنتحرت على الفور
له ثلاث أولاد منهم بنت كانت تؤدي إمتحان الثانوية العامة في ذلك الوقت
لم تذهب للإمتحان مرة ثانية
ونزلوا مصر وذهبت البنت للدراسة في ثانية ثانوي وليس ثالثة زي ما كانت (القانون بيقول كده)
وخلال أسبوع بقي الأولاد الثلاث بدون أب وأم وأكبرهم في الثانوية العامة