عبير الورد

**fagrmasr01** · 30-05-2009, 12:41 AM

عبير الورد فى ايديكى
نغم مقدرش يوم انساه

وسحر النظرة ف عينيكى
بالحان الألم تغنى الآه

بشوق العمر بأهديكى
حنانى ياسر نور الحياه

حنين ليكى وبابكيكى
فى أحزانك القلب تاه

تناديكى النسمة والبسمة
واقول حزن القلوب قسمة
بوجدى ودمع .. بسهد الليل
اناجيكى ف صورة او رسمة

واقول للصورة روحيلها وناجيها
واقول للرسم أحزانى بتحييها
أناديكى واناجيكى بظلام الليل
سهدى ويا أحزنى مع المواويل

**lionking** · 30-05-2009, 09:33 AM

واقول للصورة روحيلها وناجيها
واقول للرسم أحزانى بتحييها
أناديكى واناجيكى بظلام الليل
سهدى ويا أحزنى مع المواويل

حلوه جدا يا شاعر
ومليانة حزن وفراق

بس جميلة جداااا

**fagrmasr01** · 30-05-2009, 10:01 AM

مرورك ياليون هو اللى أسعدنى

لكن الحزن دا قسمة ونصيب .. عايشه فى سنين عمرى
على الذكرى وشمس تغيب .. وانا مسلم للكريم أمرى
مش على امل لقيا الحبيب
و الأحزان.. قسمة ونصيب

يسلم لى مرورك وتشجيعك يا ليون