بص نزار قبانى قال :
إلى فلسطين طريق واحد
يمر من فوهة بندقية
هكذا قلت له محاولا غلق الموضوع لأن الناقش تحول الى جدال وصوت عالى من الجميع فى القعدة
طيب وايه رأيك في اللي كانت قدامه بنادق مش فوهة بندقية بس ؟
هكذا قال وأجاب على نفسه
أنا كان قدامي بنادق كتير ومفيش غيري وغيره في الشارع صهيوني خلف عربية وأنا فى ايدى بندقية آلى ومستنيه يطلع من وراها وأفرغ فيه الرصاص كله وأول ما خرج والرعب بينط من عينيه أضرب فى المليان مفيش رصاص بيخرج أهز البندقية وأخبطها وأضرب مفيش ابتسم ابن الكلب بصيت لقيت بنادق كتير فى الأرض كلها مرمية مسكت واحدة تانية وأضرب مفيش رصاص بيخرج وابن (....) بدأ يضحك وسابنى ومشى وأنا ارمى بندقية وأمسك التانية وأضرب يمكن واحدة تضرب وتجيى فيه رصاصة مفيش
ايه رأيك بقى حتى فى الحلم اللى الواحد بيعمل فيه كل حاجة مش قادر يعملها بقينا
مابنعرفش ؟
لم أجاوبه فصمت رهيب حل على الجميع فى القعدة حتى هو بعد أن قال كلامه بغضب شديد
نظر الى باب القهوة وأخذ ينفخ فى سيجارته
:a (213):

السؤال هنا / هو احنا وصلنا للحاله دى ازاى
؟
ليه بقينا بنخاف نحلم وإن حلمنا مش بنعرف حتى نعمل حاجه فى الحلم ؟
.. مش شرط نتكلم فى موضوع فلسطين
تعالوا نتكلم فى الحياة والعيشه اللى عايشينها ..
هل فعلا العيشه اللى احنا عايشينها تسمح لينا نحلم بجد ؟
ولا ندعى ربنا يومنا يعدى ومش مهم بكره
لما ييجى بكره ربنا يسهل الامور .. ~

ََ سكر ََ