انا مصرى مصرى

**فريد** · 21-05-2009, 12:55 PM

لو حتى الجوع يقرصنى
أنا مصرى و ها فضل مصرى
ساكن فى عشة فى شقة او حتى فى أرضى و قصرى
انا مصري و ها فضل مصرى و دايما أقول أنا مصرى
و أحب أصلى فيها فجرى و مغربى و عصرى
المصرى شهامة و جدعانة ومروءة و حصرى
و قلب حديد بيتحمل الحلو و المر اليسر و العسرى
و تعالى شوف حرب 73 تعالى شوف نصرى
انا ينخلع قلبى انا يضيع بصرى
و لا ينخلع منى انا مصرى
متقلش ليه مصرى متقلش ليه حصرى
أنا مصرى أنا مصرى أنا مصرى
خواطر : فريد
عنانى

**اميرة حبى انا** · 21-05-2009, 12:59 PM

لو حتى الجوع يقرصنى
أنا مصرى و ها فضل مصرى
ساكن فى عشة فى شقة او حتى فى أرضى و قصرى
انا مصري و ها فضل مصرى و دايما أقول أنا مصرى
اهو ده الكلام ولا بلاش
مش كله اعتراض وبس
تسلم ايدك والله
رووووووووووعة

خمس نجوم

**lionking** · 21-05-2009, 01:28 PM

و أحب أصلى فيها فجرى و مغربى و عصرى
المصرى شهامة و جدعانة ومروءة و حصرى
و قلب حديد بيتحمل الحلو و المر اليسر و العسرى

جميلة جدا يا فريد
تسلم ايدك

**fagrmasr01** · 21-05-2009, 03:30 PM

تسلم ايدك .. فعلا جميلة ..
وفيها احساس عالى جدا

واسمح لى بمداخلة

مصر بنحبها جميعاً وشايلينها ف قلوبنا وجوه العين
وها نحيا بالأمل فيها زى سعد وعرابى وصلاح الدين
محدش قال جدنا عرابى لما رفض كان من الخاينين
ولا مصطفى كامل ومحمد فريد كانوا للجميل ناكرين
مصر بتاعتى وبتاعتك ومحفوظة من ربى ليوم الدين
هقول واشتكى مع ان عشقها ف قلبى باق ليوم الدين
بحب بلادى وأحيى زعيم بينصرها
وبادعى لام البلاد ان ربى ينصرها
انا معاك يا أخ فريد كمان مصرى
وبعشقها وانا فى عشتى وقصرى
وبأحيى كتابتك الحلوة واناصرها

أرجو ان تتقبل مرورى مع أطيب تحية طيبة معطرة من عند الله