فى نفس اليوم اللى بدأت فيه الحكاية

عدى يوم كمان اتكتبت نهاية البداية

كان البطل قلبه مليان ذكريات

ومشفش فى يوم بنت تقدر تنسيه اللى فات

كان كل يوم مع واحدة

ولا حاجة تفرق معاه

لو تنجرح أو حتى تموت

المهم يوصل للى اتمناه

والبطلة كانت بنوته نواياها زى نواياه

كانت بتدور على حد تقدر تضيع وقتها معاه

وياما داست على قلوب ولا همتها حياة

كانت فاكرة ان عمر ماييجى يوم

وتغرق فى نفس الدوامة

ولا جه يوم على بالها ان حد يقدر يرفضها

ويخليها تعانى هواه

فاكرة جمالها هيخليها ملكة كل زمان ومكان

واتقابل البطل بالبطلة

وعجبه ملامحها المظبوطة

واتشدت ليه الحلوة الكتكوتة

وقضى الولد أجمل يوم فى حياته

والبنت رجعت مبسوطة

وبعد مافاقوا من حلمهم

ساب الولد البنت

مش لانه محبهاش

بس لانه حس ان هو ميستاهلهاش

افتكر انه أول حب ليها

قال اسيبها مظلمهاش

واستنت يوم جه بعده التانى

لكن حبيبها مكلمهاش

حاولت تسأل عنه جرحها

وفاتها وحيدة مجاوبهاش

فاقت على انها جرحت واتجرحت

وخسرت فى الحالتين

وانتهت القصة بصفحة جديدة

لكل واحد من الاتنين

:showoff: