شىء لزوم الشىء
لو تفتكروا زمان نجيب الريحانى كان له فيلم كان شغال فيه باش كاتب لما جه صاحب التكيه المدير وقالوا اكتب عندك 100 جنيه مصاريف للخروف رد نجيب الريحانى وقاله
لا يافندم عشان الحكايه تكون احسن من كده قول
حبل للخروف - حلاق للخروف- برسيم للخروف وهكذا
زى ما الحكومه بتاعتنا بتسرق دلوقت
هنكسر الشارع عشان ندخل غاز هنكسر الشارع عشان وصله تليفونات وهكذا
مش دى القضيه اللى جايه اتكلم فيها بالتحديد
عشان محدش يتوه منى
الموضوع هو
المعاكسات فى المواصلات
مره كنت مسافره مع اخويا القاهره وركبنا المترو ويادوب رجلى على الباب ايدى فلتت من ايد اخويا بصيت لاقيت نفسى وسط رجاله كتتتيره معرفش جوم من فين بصراحه خفت واعت اعيط لاقيت راجل قاعد على كرسى سالنى بتعيطى ليه يا بنتى بصراحه اتكسفت اقوله خايفه وتقريبا الراجل فهم فقعدنى مكانه كتر خيره قليل جدا لما بتلاقى حد كده دلوقت
اخويا زعقلى يومها وقالى ازاى ايدك تفلت من ايديا
وفى مره تانيه ركبت ميكروباص واحد ركب جامبى واعد واخد رحته زى ميكون العربيه بتاعته مخصوص وانا اتلزقت فى الباب كان ناقص ادخل جواه لسه بقوله لو سمحت شويه كده
لاقيت رشاش كلام هو انا عملت فيكى حاجه ايه التلائيح دى بصراحه خفت اتكلم نزلت من الميكروباص خوف مش عشان دى المحطه اللى هنزل فيها
الموضوع ده اتكرر كتير معايا ولو روحت اشتكيت فى البيت هيقولوا اقعدى قولت لنفسى اخد مكان اتنيين عشان اتقى شرهم
واخيرا قولت لالالالا مينفعشى كده وجلست مع نفسى ساعه عصارى كده وعملت كوبايه شاى منعنع:marsa117:وقولت لنفسى يابت ياعزه لازم تحطى حل للمهزله دى
تعملى ايه تعملى ايه :chris:
اه مافيش غير شىء لزوم الشىء :a (26):
وهو دبوس لزوم الشكشه :a (49):
عارفين انتو البنات بتبقى فى راسها خمسين دبوس
ابقى زوديهم انتى الى 52 دبوس :devil_2:
ليه بأه بسيطه جدا جدا
عشان المحترم اللى يقعد جامبك وميحترمشى نفسه بالدبوس وان قال اى يبقى هو الجانى على نفسه
مش هيقدر يفتح بوقه هيقول ايه
متجربه على فكره وسهله خالص
وبتستحوذى على الميكروباص لوحدك :a (272):
ههههههههههههههه:clap:
ولسه ياولاد ياما نخترع