إمنع الموجه من إنها توصلك
هتخنق حلم أيامك
ولو فيضانات
إوعى فى مره تقدرلك
 هتمحى ملامح البسمه
 موج الحزن لو جالك
خبى فى قلبك البسمه
وعيش إضحك
 ولو هيبقى ضحكك لـ جوا

مالك ؟

مجروح ؟
 وتعبان وزهقان ومكبوت ؟

 إضحك
وماتشكيش
 وماتبكيش
 ماجرحك عدى بيه غيرك
 دموعه جابت إيه ؟

 مليون مره سمعنا أغانى قالوا فيها

حياتنا مش واقفه على حد

والكلمه دى بنرددها وإحنا مع الناس

ليه لما نبقى لواحدنا ننسى الكلمه دى ونستسلم للحزن ؟

....................



فاجئى الدمعه بضحكه تكسرها
وبلاش تفاجئ الضحكه بدمعه تكسرها .
 ماتعكسهاش
هتخسرها
 طب يزيدك ليه الجرح خساره على خسارتك ؟!
 مادموعك نازله على خساره
 وهتنزل بردو بخساره
مش كفايه خساره ؟!

ولو نازله بقى من الأساس على حاجه ماتستاهلش
طب ليه نازله من الأساس ؟
وإزاى هتسيبها تعمل كدا ؟!
....................


حافظ على ثبات الغصن دا
دا روحك
بلاش تنهار مهما قابلت
بلاش تكون سبب مع السبب فى كسر الغصن
 وبلاش تفقد الكرامه اللى متعلقه بفروعك
 دموعك
 بلاش
 وكفايه اللى عدى
 هو مش عدى
؟
 يبقى عدى
واللى فات
مات
....................

فى كل حياه لحظات جميله
إفتكر لنفسك لحظاتك الجميله
هات صورتك فيها وإدخلها فى وقت اللحظه الصعبه
 إحتفظ بكل حاله ليها ذكرى معاك حلوه
 وإنسى كل اللى ينسيهالك
 وإفتكر بيها إن لازم
تعيش تانى لحظات زيها
جميله
 وهتعيشها
وصدقنى هتضحك على نفسك وقتها
 وتقول
 أنا كنت ليه هضيع ؟!

 عارف إيه طريقك ؟
وإيه اللى يوصلك للراحه ؟؟


إنك تعرف



تمنع الموجه من إنها توصلك

By : MoMaYeZ :ياتي