من هنا من قلعه صناعه التكنولوجيه
من ارض الحضاره الفرعونيه :wizard:
من ارض الناس اللى بنوا الاهرامات
من البلد اللى هاتفضل على قمه الهرم التكنولوجى العالمى!


فى خبر كده كنت قريته على موقع الــ BBC بيقول
انه بقى فى نت سرعته 1 جيجا فى انجلترا :yes:
و ان انجلترا بتخطط انها تبقى اعلى شبكه خدمات انترنت فى اوروبا فى 2015 على ما فهمت


ياااااااااااااا جماعه الناس دى عايشين فى عصور الظلمات لسه
يا عينى النت عندهم على قدهم جيجا واحده بس !

ميعرفوش ان ارض الحضاره فيها احد اقدم و افضل شبكات النت فى التاريخ
اووووووووووووووومال

انا خير مثال على المواطن العادى اوى اوى يعنى
عندى نت عادى
سرعته مش 1 زي اوروبا
لا لا لا
النت عندى 256
اييييييييييييييون 256
بيعمل داونلود بما يتراوح بين 500 بايت فى الثانيه الواحده - خد بالك الثانيه مش الساعه-
و بين الــ40 كيييييييييييييلو فى الثانيه برضه ... اعجاز تكنولوجى

اما الغلابه اللى هناك دول لسه عايشين فى عصر الجيجا
بقى احنا هنا بنستخدم الكيلو بايت
و هم بيستخدموا الجيجا بايت

كم انا مشفق على الغرب !