حابب انى ابارك لأخواننا القطريين
:clap3::clap3::clap3:
و لقرايبنا الروس على تنظيم كاس العالم :yahoo:

و من مكانى ده

حابب برضه انى استرجع الذكريات
من كام سنه كده مش كتير
مصر يا ولاد إذ انها
كانت بتحلم بتنظيم كاس العالم
مصر 2010
فاكرين الحمله دى ؟؟؟ :a (77):

كانت ايام راااااااااائعه فعلاً
فاكر ان المسؤل عن الملف المصرى
طلع و قال احنا حصلنا على وعود من كام واحد كده على اساس انهم يصوتوا لمصر
و رغم ان فِهمى على قدى خالص و اقل من الاطفال فى امور الــكوره
الا انى كنت عارف كويس اوى ان التصويت ده حاجه سريه

فكنت مستغرب
ازاى تبقى حاجه بالحجم ده و سريه
و يبقى فى وعود من بعض الاشخاص بالتصويت لصالح حد معين
حاجه غريبه !

يوم النتيجه ... الحمد لله
كان يوم "مجيد" بجد
مصر اخدت واحد من اكبر أصفار الرياضه فى تاريخها

سبحان الله ساعتها افتكرت الراجل اللى كان بيقول فى ناس ادت وعود
راحوا فين ؟ و هم مين ؟ و ادوا الوعود دى لمين ؟ و هل ده قانونى ؟

و الاهم بقى
احنا كنا نستاهل التنظيم ؟

و ده طبعاً سؤال مهم جداً
هل احنا عندنا حس إجاده المنافسه على حاجه بالمستوى ده ؟ :a (77):
و هل لو كنا استضفنا كاس العالم
كان هاينجح ؟
كنا هانبنى الاستادات اللى كنا واعدين بيها دى ؟؟؟
و لا السرقه و النهب هاياخد حقهم بالجامد فى الميزانيه :vertag:

بصراحه لما شوفت اجزاء من ملف قطر
ملف محترم :keda:
كفايه الملاعب و التكنولوجيا اللى هاتتعمل فيه
حاجه تشرف بجد
ده اسمه ملف تنظيم كاس عالم :mf_bookread:

على كل حال
مبروك لقطر و القطريين و العرب بشكل عام
و يا رب تبقى دى بدايه و يا رب برضه منبقاش مجرد منظمين
يا رب نشوف الكاس فى ايد عربيه ... مش بعيد على ربنا :yes:

المهم بقى اننا منقفش على الرياضه
فى حاجات تانيه اهم كتير من كاس العالم فى الكوره :secret: