فى ليل الحزن وحدانى
فى ليل الحزن وحدانى
و نجمة بعيدة واخدانى
وحزنى يا ليالى الشوق
ولا ثانية واحدة ينسانى
وباعيش فى كل ثانية سنين
مع الأحزان فى شوق وحنين
و نجومى لم تشوفها عيون
وقلبى وعقلى مش ناسيين
اعيشك حزن .. نبضاته .. الم يحيا بوجدانى
فى شرايينى آهاته بإحساسى مشاركانى
وعمرى لم نسيتك يوم
مهما كان العتاب واللوم
ومهما كانت الوحدة فى حزن ليلى جارحانى
وحتى لو عيون الليل .. بتبكى بدمع احزانى
ح اسهر كل ليلة شهور
ذكراكى فى قلبى النور
عقلى يثور وقلبى للهوى مأسور ووحشانى
واهمس لنجمة ساكنة بعيد انتى كل خلانى
مع النجوى يضيع النوم
قلبى يانجمتى محروم
واقول الصمت من طبعك وانك لابد فاكرانى
يرد الصمت ويقول لى انى مليش امل تانى
واناجى الصمت بسكوتى
اقول له ان برغم جبروتى
عشقت الحب فى عينيها واحياها بوجدانى
ويكفينى اناجيها واعيش العمر ساحرانى
رد مع اقتباس
المفضلات