بنت مصر
لفيت بلاد الدنيا
مالقيت غير بنت مصر
حلوة وجدعة وقوية
عفيَّة تتحدى القهر
بنت مصر الأبية
مش بنت مدينة نصر
مش بنت الموضة الغربية
ساكنة مدينة أو كفر
لفيت بلاد الدنيا
مالقيت غير بنت مصر
حلوة وجدعة وقوية
عفيَّة تتحدى القهر
بعلًّم لغتي العربية
لأجانب مش من مصر
أكتر من ميت جنسية
وأنا مصري أصيل ولا فخر
وأنا ليَّا فكرة ونظرية
ونظرة وكلام بيسُّر
بنت الغرب الأُمنية
لشبابنا في خط الفقر
سكة أخرتها خيانة
وساعات أخرتها الكفر
وساعات بتحب حقيقي
وتاخد الواد وتفًر
على لندن ولا باريس
ويعيش وياها العمر
وابن ابو العربي خواجة
وبناته حمر وصفر
بييجو لوطنهم غُرب
ويروحو للغرب بحُب
لفيت بلاد الدنيا
مالقيت غير بنت مصر
حلوة وجدعة وقوية
عفيَّة تتحدى القهر
أنا عمري ما أكون ابو العربي
أنا مصري متربي في كفر
وهاخد البنت المصرية
ماحلاها شريكة العمر
تستحمل عيشتي بأحوالها
تصونًّي وتحلًّي المُر
وهاتحفظ غيبتي وبيتي
تعوضلي سنين الصبر
لفيت بلاد الدنيا
مالقيت غير بنت مصر
حلوة وجدعة وقوية
عفيَّة تتحدى القهر
رد مع اقتباس
المفضلات