ولا واحد حبك قبلى
ولا واحد حبك قبلى
ولا شرقى ولا من قبلى
محدش يعرف ف العالم ايه هو الحب
ولا دقة عرفت معناها ولا اعظم قلب
ياكل الحب انا حبيبتى .. ملهاش تشبيه
وتاج العفة اللى على جبينها بتتعايق بيه
سلطانها عيونها والرمش بيسحبنى اليه
تنادى وتسرح بعينيها وانا اتوه حواليه
لو حب الشاعر فى قصيدة .. انا حبى كتاب
والسطر فيها عن حبك أسطورة تغرى الكتاب
حب من عالم تانى وفى عينيكى كل الأحباب
رموشك الى ساحرانى لأحزانى حيرة وعذاب
لو حبك قبلى قيس وكل اللى كانوا اسطورة
انا حبى ليكى فريد وقلبى عاشقك من صورة
اكتب لك الشعر بدمى وهمى وروح مكسورة
واشكى لروحى وأنا روحى عليكى غيورة
واناجيكى وانا عارف انك من اوهامى
ياطول عذابى م الفرقة يا طول ايامى
وباعيش بوهمى وحدانى مع احزانى
يبكيكى فكرى وألحانى عذاب وجدانى
وانتى البراءة مع الرقة وقلبى الجانى
والطيبة وحنان الدنيا ياعيون ساحرانى
وهبتك روحى وانا راضى وعايش محروم
وكتبت قصايد بدموعى والكلمة فى الف يوم
وبأبكيكى بقلبى وبعيونى اللى فارقها النوم
سهران اناجى ومش حاسس بعتاب او لوم
حبيتك حب مش عادى حب غير البشر
وكتبت شعرى على نجومك فوق القمر
ولا واحد حبك قبلى
ولا شرقى ولا من قبلى
رد مع اقتباس
المفضلات