سرى جدا الى البحر

[ahmedabdelziem]

يابحر
ليه الموج فى عز الهوج
مابيخلصش
والملح سد وادنك ودانك
لاجل متخلصش
يابحر
كام الف بنت زغزغت رجليها
ورفعت عنها الحجاب
ولزقت فستانها بالعانى على ضهرها
وجرحت رجل الواد اللى جرى فى ضهرها
وعملت ملحك دوا واللى جراحه هوا
مالهوش طبيب غيرك
طب ليه بتبخل عليا
مع ان نانا صبايه
زغزغت رجليها
ورفعت عنها الحجاب
ولزقت فستانها بالعانى على ضهرها
ودبحتنى فى مهرها
ودفعت لك راضى
خلتلى حبى قضيه
وعملتلى قاضى
وكويت بملحك جرحى كيف الدبح
من ميته يابحر
الجراح بتطيب بحبه ملح
وانا اصلى واخد على الوجع
انا اصلى واخد على الوجع
واما الجراح بتصيب جدع
بيصير وجعها بميت وجع
تعرف يابحر الميت وجع
وجع اللى حبيتها وسابتنى
ووجع اللى بعينيها سابتنى
ووجع اللى عملت منى رمل
فى قعر جوفك رسختنى
و900مليون وجع للذكريات
اصل المحبه يابحر مش فتره وتعدى
ديه عمر شايل صوت هزارى وغلب جدى
فكر طايح يوم يجيب وشهور يودى
900مليون وجع
عدد المحاره والودع
عدد الكلام من بين شفايفها الجمال
عدد الشماسى والكراسى والبنات
عدد الرمال
عدد المطر يابو قلب اقسى من الحجر
كل اللى فاكرينك بتجمع للحبايب شملهم
عالم بقر مانا جبتهلك
مش جبتهلك
شهد الشمس اللى لسه سمارها
فوق ضهرى وتقولك
انى يابحر ائتمنتك
جبتهلك
ولا ليه. شهد رمالك
على صوتك سمع الرمل
اللى مدبوح من قسوتك
واندوه وان كان يجواب اسألوه
فين قصور الواد دهو
هيقولولك مانت يابحر اللى هديتها
وسويتها بباقى الشط
هيقولولك هوهو الموج يابحر
زى مجمع حبايب
زى مكسر قصور
بس النوبه ديه يابحر
موجك القاسى كسرنى
هو انا ناقص كسور
لو تيعرينى يابحر تلقى جوايا بنات مالها عدد
ولا اتكسرتش زى متقول جسمى نحس من الحريم
وبقيت وتدد بس النوبه ديه مانتصرتش
باعترفلك ياهو البحر انى مغلوب النوبه ديه
بس خليك واعى وافتكر مين اللى بادى
ومن اليله ديه
لا انت صاحبى ولا اعرفك
اياكى تشوفنى ببنت حلوه
وتطلب انى اعرفك
صبرك عليا وهكشفك وهجرسك
وهجرفك وهجوفك وهكتفك
كيف الذليل
م اليله ديه سماك يابحر
هتبقى ليل
م اليله ديه هطفى شمك
واطمس الدنيا ونهارها
نانا ماتت بس فاضل لسه نارها
والعزا عالق مابينى وبينك انت
والله م هقبل عزا من قبل ماخد بايدى تارها

طبعا انا مبقتش محتاج اقول
الشعر ده من كلمات مين

بس محتاج اعرف رأيكم

[ahmedabdelziem]

ده الفيديو املا منى فى التفاعل مع الكلمات <************************ class="restrain" title="YouTube video player" width="640" height="390" src="//www.youtube.com/embed/oPkJSLaYhn0?wmode=opaque" frameborder="0">