هاى ازيكم وحشتونى :*
حد يشرب شاى :قهوه
الحقيقه انه انا ناويه اعمل سلسله موضوعات على حسب مهنه الولاد يعنى كل موضوع هيبقى ازاى تنتقمى من حد لو شغلته كذا هنشوف كل الشغلانات ونشوف ازاى نتتقم منهم لو بيشتغلوا كده :شر
واول شغلانه حبيت ابتدى بيها هى المحاسب :ح
عشان نص مصر خريجين كليه تجاره ومحاسبين :8
لو مرتبطه بواحد محاسب نكدى عليه طووووووول الوقت ليه؟ لان العمليات الحسابيه محتاجه تركيز وهو طول ماهو متنكد عمره ماهيعرف يركز ودايما كلميه فى الشغل اشغليه عن اللى هو بيعمله عشان تكون النتيجه انه لما يودى للمدير الحاسبات بتاعته يكون فيها اخطاء اول مره هياخد جزا او لفت نظر هيجى يلومك اعتذرى وخليكى دلوعه واموره واعمليها تانى وتالت ونكدى عليه واشغليه وفى المره التالته ان مكانتش التانيه هيترفد من الشغل ويتشرد فى الشارع وتبقى انتقمتى منه وساعتها بصيله وقوليله متلزمنيش :ر
لو مخطوبه لواحد بيشتغل محاسب :مان
الحقيقه المحاسب ده فى حياته تلاقيه حاسب كل حاجه بالورقه والقلم وهدفع كذا واعمل كذا ويوم الفلانتين هشترى هديه بكذاوتلاقيه هيشلك من كتر الحسابات يالله :شد
بس فى المرحله دى هتبقى مهمتك سهله اى اول حاجه لما يشتريلك هديه خليكى واثقه انه قابل للبياع انه لو معجبتهاش هنرجعها وناخد الفلوس اى هديه يجيبها ليكى قوليله لا ياحبيبى احنا نروح نرجعها سوا ونجيب حاجه مفيده للبيت وخديه وروحى للراجل واغلى حاجه فى المحل حلوه او وحشه اختاريها ودبسيه فيها :حح طيب لو قالك بقى تعالى نروح نختار الهديه سوا ياحبيبتى عشان ال ايه يحرجك وتقوليله كفايه عليا ورده وبتاع ومش يشترى حاجه خليكى ناصحه وخديه لاكبر محل ادوات منزليه واختارى اكتر حاجه كنتى حاسه انها هتبقى غاليه فى جهازك وتبقى منها انتقمتى منه ومنها شيلتى من عليكى حاجه فى جهازك :ئ
وممكن كمان لو اخدك وروحتوا فى مكان اختارى المكان اللى فيه منيمم واختارى اغلى حاجه فى الليست اللى ادامك :8
ولما تيجوا تختاروا شقه لو كانت ايجار اختارى شقه فى احسن وارقى مكان واغلى شقه واحرجيه ادام الناس هيتدبس فيها
ولما تيجى تختارى الديكورات اختارى الديكورات اللى معظمها بميه الدهب والفضا لانها اغلى ديكورات :شر
طيب لو متجوزه بقى واحد محاسب مهمتك سهله اوى لانها هتجمع بين الطريقتين اللى فاتوا + انه ممكن يجيب معاه شغل البيت وتبقى دى فرصتنا :ق ليه بقى ببساطه طلعى الورق وجنب اى رقم زودى صفر او واحد وتانى يوم لما يرجع من الشغل ده لو رجع هتعرفى المأساه :ح
ميرسى ليكم :ب
وفى الاخر حاميه طلع ...
ويابخت من قدر ...





:ئ:ئ