--------------------------------------------------------------------------------

كان يا ما كان ........
يا سعد يا اكرام.........
فى يوم من الأيام............
قررت المصاهرة من فتاة مغامرة .......
فقلت لها أريد الزواج بكى واحبك بكل ما فيكى.......
قالتلى اتقدم لأبويا انا ماليش دعوة يا خويا........
قلتلها ابوكى بكرش ، ويموت على القرش ، ولو رحتله حتى بدش .....
مش هيوافق!!!!
هيقولى خدها واكتب شيك ، وخد من اللى يرشيك
أو يدفعنى تأمين وأبوكى مش أمين........


قالتلى اتقدم لأمى ، وريحنى من همى ...........
قلتلها أمك!!!!! أمك دى ولية بنت ولية .....
كنت فاكرة عادية طلعت مفترية..........
وقالتلى انت فاكرها تكية.......دا انا بنتى ذكية والخطاب داخلين طالعين عليا


قالتلى روح لأختى تتوسط عند خالتى......
قلتلها أختك!!!!!!!! أختك من ريحتك .....وبختها من بختك.....

وخالتك فشارة....وكلمها بالقطارة...وعاوزانى اخشلها بشكارة.....


وكل ده لمين هو انتى ميرفت أمين.....

دا انتو طلعتوا فقرانين....وجيرانكوا مساكين .......وكل اللى بيجولكوا شحاتين!!1
انتو فاكرنى وزارة التموين..........

دا انا بصراحة من غير ألاطه على البلاطه.......
وكنت جايلكوا عباطة واستهبال.......طلع تليفونكوا حتى استقبال.......وعايزين معونة اد الشوال.
واهو طلع حالكوا من حالى
وعقبالكوا وعقبالى.......
وعقبال كل اللى عايز يتجوز يارب أريد تعليقكم.....