شعور سخيف
شعور سخيف
انك تحس بان وطنك شئ ضعيف
صوتك ضعيف رأيك ضعيف
انك تبيع قلبك وجسمك
وانك تبيع قلمك واسمك
ميجيبوش حق الرغيف
سألو جحا عن سر ضحكه
قالك اصل اتنين وشبكو
اللى كان من تحت ميت
واللى كان من فوق كفيف
ده شعور سخيف
وشعور سخيف
انك تكون رمز الشحاته
تبنى مبنى للشحاته
تعمل وزاره للشحاته
ياساقيه دورى عدى فوقى ودوسى
نصبوا عليا وشحتونى فلوسى
ربطونى فيكى حتى ماتغميت
هما اللى فرحو ووحدى انا اتغميت
انا اللى صاحب البيت
عايش بدون لازمه
ولما مره شكيت
اديونى بالجزمه
مش لاقة تطفح أديك
هاتلونا وجيبلونا وادونا ودونا
هنجيب منين نديك
مش لاقى تطفح اديك
طافح يابلدى غداى ولوعتى غداى
كل الاحبه التقو واتجمعو عداى
انا اللى زارعك دهب
بتاكلنى سباخ
مان كان ده تقل ودلع
بزياده دلعك باخ
لا شوفت فيكى هانا
ولا شوفت فيكى طرف
كل اللى فيكى قرف
كرامتنا متهانه واللقمه باهانه
بتخليفنا ليه لما انت كرهانا
يعنى ايه تبقى انت هبه النيل
يابوبا...
وكل يوم الميه تقطع
يعنى ايه لما اشتكى غلو الفاتوره
يقولو تشكى بس تدفع
لما قش الرز ثروه بتتحرق
ولما نفط الامه ثروه بتتسرق
واما جلادك على ولادك بيبطوش
واما علمك ميلقيش ياكل فيطفوش
يعنى ايه نرفع ايدينا بالسلام لاجل الغزاه
ويعنى ايه لما ابقى ماشى فى حالى اتشد اشتباه
يعنى ايه لما اتحبس اربع سنين حبس احتياطى
حبس اعطباطى
يعنى ايه مش حاسه بالعمر وغلاوته
بتصوبى مر العمر ليه انا كنت هوهبلك حلاوته
انا عمرى ماتقمرت ولا حطيت شروطى
ومكان مترسى مركبك ببنى شوطوطى
انا كنت جيشك لما ممليكيك باعوكى
وكنت يوسف لما عيشت سنين عجاف
وضلوعى ديه اللى معركه قاديش حموكى
وشفايفى ديه اللى مبطلتيش فى يوم هتاف
انا كل شبر فى ارضك اتمرغغت فيه
وكل يوم عيشتيه انا اتعذبت بيه
بتكرهينى عيونك السوده وايامى اللى فاتت
مانتيش حبيبتى من النهارده حبيبتى ماتت
مع صوت اذانك جرس فى الشده صحينلك
من امتى كانوا الحرس هما اللى باقينلك
بيعتينى علشانهم وعينيك معصوبه
ياهل ترى خيانه ولا زى مغصوبه
كل الكلام اتقال والشعر بقى ماسخ
والصبر علو جبال والظلم شى راسخ
وطن وغرقان فى النطاعه
كل شئ رايحته نطاعه
علمونا بالعصايه ورضعونا الخوف رضاعه
علمونا فى المدارس يعنى ايه كلمه قيام
علمونا نخاف من الناظر فيتمنع الكلام
علمونا ازاى نخاف وازاى نكش
بس نسينو يعلمونا الاحترام !
فا متزعلوش لما ابقى مش بسمع كلامكم
ومتزعلوش لما 00000
مستنى ايه من طفل ربوه بالزاعق
غير المشاكل والخناق
كل اللى بيقولك بحبك
دول نفاق
انا لما قولتلك بحبك
كان نفاق
الحب يعنى اتنين بيدو
مش ايد بتبنى و600 تيت تيت
يهدو
الحب حاله
الحب مش شعر وقواله
الحب يعنى براح فى قلب العاشقين للمعشوقين
يعنى الغلابه ينامو فى الليل دافينين
الحب يعنى جواب لكل المسجونين
هما ليه بقوا مسجونين
يعنى اعيش علشان هدف
علشان رساله
يعنى احس بقيمتى فيكى
وانى مش عايش عواله
يعنى لما اعرق تكفينئ بعداله
الحب حاله
الحب مش شعر وقواله
الحب حاجه متوجدش فى وسط ناس
بتجيب غداها من صناديق الزباله
الحب جواك استحاله
كلمات شاعر احب مصر
الشاعر / هشام الجخ
اهديها لكل عضو فى منتدانا
احب مصروينتظر يعرف رد حبيبته
هل تحبه ام لا
رد مع اقتباس
رد: شعور سخيف
المفضلات