خريطة حبيبتى
فى يوم مسكت الخريطة * وقلت اشوف الوطن ماله
لقيت فيه هيصة وزيطة * والنيل متشقلب أحواله
بصيت ركزت انا بعيونى
لقيت الناس مسكونى
سالتهم فين ياخدونى
بالمعتقل ليه سجنونى
قالوا جريمتك بتفكر * دى اخطر طبعاً م النووى
ثورجى عايش متنكر * فى الظلام نورك يضوى
ونصحونى انى اتذكر * التاريخ على طول يروى
لو يوم مزاجه هايتعكر * على قتلك لابد هاينوى
نصحونى ان إقرا بالمعقول
واكتب عن اللحمة والفول
عن الرقاصة عن مسطول
او مليونيرات او فيل مقتول
رجعت دارى متدارى * كاتم ف قلبى اسرارى
حزين ف ليلى ونهارى * كاتم ف قلبى اخبارى
ناشفة وملوثة أنهارى * مسروقة حتى احجارى
وعقلى رافض أعذارى * تعليمى صحتى ودمارى
وقلت اااااااه ياوطنى المحبوب
حالك خلاص أصبح مقلوب
قعدت أبكى على خريطتى
وقلت قدر وعليك مكتوب
ورجعت اقراها بدمعى * تايه بنظرى وبسمعى
فداكى روحى ياالغالية * أنورها لك بدل شمعى
تسلم يانيل ويا الوادى
فداكى عمرى يابلادى
ياأرض جدودى وأولادى
وتعيشى حرة لأحفادى
رد مع اقتباس
المشاركة الأصلية كتبت بواسطة fagrmasr01
المفضلات