شجاعه جندى(انسحبوا)

**ahmedabdelziem** · 01-12-2010, 11:07 PM

انسحبوا
كان اللاسكلى بعيد والعسكرى مسمعش
انسحبوا
شوفو العجب ياولاد العسكرى مرجعش
انسحبوا
اطرش ده ولا صنم
ارجع ياجندى بياده
دخل العدو العريش ارجع خلاص بزياده
العسكرى سامع لكنه واد مجدع
شال اربيجيهو وضحك اشمعنى انا اللى ارجع
وقف الزمن مذهول ساعتين بيشاهد
الجندى قام كبر المدفع اتشاهد
الدبابات ظهرت ارجع ياجندى نظام
ده كان كلام القياده
وده بردو وقت كلام
وقف الولد دادبان ياساده ياسامعين
صادهم كما الدبان محروس ياواد م العين
الدبابات صفين اتفجئو وافترقو
على كتفه كان مدفع وعلى الجبين عرقو
غطا العفار النار ولا حد عاد شايف
الدبابات بتهل وده بردو مش خايف
الضحكه على وشه متقولش بيصيف
ولسه الزمن واقف مبسوط وميتكيف
الدبابات كترت والكتره غلابه
والقلب لو مؤمن ولا الف دبابه
هتقولو مات الولد
انا اقولكم
لأ عاش
مالجنه ولا فيها موت
ولا تتدخل ببلاش

هذه الكلمات للشاعر المحترم
هشام الجخ

**خلود** · 02-12-2010, 01:01 AM

تسلم ايدك على النقل الجميل

شكرا

**fagrmasr01** · 03-12-2010, 09:39 PM

الله ينور عليك يا أستاذ احمد عبد العظيم
كل اختياراتك جميلة زيك
وبتؤكد انك ... وطنى بجد .. وبتحبها بجد .. وذواقة جدا للشعر والمشاعر الصادقة بجد
تسلم ايدك
الله ينور عليك يا أستاذنا الجميل

**ahmedabdelziem** · 03-12-2010, 11:12 PM

ياحج جمال الوطنيه شربتها منك
وتذوق الشعر تعلمته على ايديك
اما عذوبت كلامك فليس عندى مايكفيها من كلمات حتى استطيع الرد عليها
فبارك الله لى فيك وبارك لى فى عمرك
ابنك احمد عبدالعظيم