تذكرك ببهجة ما ...بهجه رؤية ورده بنفسجيه تشق طريقها في قلب صبارة قاسيه.
( جمله قريتها قبل كده حبيت ابنى عليها موضوعى )
بس حسيت انه يبقى ظلم لو تخيلنا ان الصباره بكل قسوتها بتكون ضد الورده لأن ده مش حقيقي
امال ايه الحقيقي بقى؟؟؟؟
اقولكم انا.......تمام
الورده طبعا بتعمل مجهود رائع علشان تطلع بجمالها و روعتها بين الشوك و الجفاف ده كله...بس الصباره برضه بتعمل مجهود ما ينفعش ننكره علشان تساعد الورده انها تطلع قويه تقدر تقف في وش الرياح و العواصف تقدر تقاوم اي ايد تحاول تعبث بيها يعني بتقسى عليها علشان تقويها و تحميها و لو تخيلنا ان الصبارة مش موجوده اصلا ...الورده كانت ممكن ما تتطلعش من اساسه او تطلع ضعيفه قوي اي حد يقطفها و اي حد يكسرها
و دا مش معناه اننا نقلل من مجهود الورده في مقاومه القسوة دي و التعلم منها و الاحتفاظ بجمالها من غير ما تجرحه الاشواك...مجهود غير عادي و ده الي لازم نتعلمه
اي ظروف قاسيه بتمر علينا لازم نعرف انها علشان تقوينا و تحمينا من قسوة و زحمه المجتمع المحيط بينا و علشان كده لازم نشكرها
بس لازم كمان نعرف ان التحدي الحقيقي في حياتنا هو ازاي نحافظ على روحنا بصفاءها و جمالها رغم قسوة الظروف و كمان نعلمها الدرس الموجود في الظروف دي علشان في الآخر تطلع جميله و صافيه و قويه كمان
المعادله مش سهله ..انا عارف بس الي انا عارفه و متأكد منه كمان ان الورده اكيد مؤمنه ايمان غير عادي بدورها و ضرورة خرجها للعالم علشان تملاه بهجه و سعاده و أكيد مؤمن ان الصباره مهما كانت قاسيه و بتشوك اكيد بتحبها
و في رأيكم

 ده يبقى
قسوة الحب ؟
ولا
حب القسوة؟



ســُكر
:smile: