يا انتخباتك يا مصر

[stylooo]

بداية أرحب بكم قراء هذا الموضوع الهام
إن مصر باقية بقاء الأهرام لأنها وجدت أولا و لن تزول حتى بزوالها
اليوم هو يوم مجيد و رأيت فيه الولاء و الانتماء متجسدا فى حالة لا شعورية لدى المواطنين للحصول على حقهم فى الانتخاب

[stylooo]

بداية أرحب بكم قراء هذا الموضوع الهام
إن مصر باقية بقاء الأهرام لأنها وجدت أولا و لن تزول حتى بزوالها
اليوم هو يوم مجيد و رأيت فيه الولاء و الانتماء متجسدا فى حالة لا شعورية لدى المواطنين للحصول على حقهم فى الانتخاب

حقيقى خفت النور ينقطع و مش أعرف أكمل لكم الحكاية لأنى وجدتها لابد أن تتكتب و تسجل و يسجل التاريخ بأحرف من نور ودم ما يحدث على أرض الكنانة
أرض السلام



المهم تعالوا نشوف بئــــــا كده أيه اللى حصل و اسمحوا لى أنا عارفة إنكم هتسمحولى إن شاء الله
إنى أكتب باللغة العربية مرة و الأخرى بالعامية كلفظ العوام
هياااااااااااااااا
حان الوقت



فى تمام الواحدة و ال 1/3 بعد ظهر اليوم ذهبت للجنة الانتخاب القريبة لمنزلى
مدرسة الطلائع التجريبة
و

كانت بها 10 لجان للانتخاب
وقفت مع مجموعة من السيدات و سألتهن أخبار الانتخاب أيه ؟؟
و الله و لا حاجة
ده فيه جيران جاءوا من الساعة 7 صباحا و كان فيه ناس بتوزع فلوس للفرد 50 جنيه و كيس لحمة
ههههههههه
و أحنا جينا نشوف و نحصل زيهم لكن مش لقينا حد قالوا الفلوس خلصت و كمان اللحمة
ط

طيب و أنتم هتعملوا أيه أحنا طبعا هننتخب كويس و انتم بقى عارفين هتنتخبوا مين أممم طبعا
ماش أنتم معاكم بطاقات انتخابية
أيوة ورقم قومى كمان

و الله يا جماعة فتحتوا نفسى إنى أدخل معاكم بس ثوانى أسأل ساعدة البيه الظابط
يا بيه نعم أنا معايا رقم قومى

ينفع انتخب بيها كان الظابط بدبورة و احدة

رد مش عارف استنى
اسألك
طيب
خرج واحد عملاق من داخل بوابة المدرسة و خدوده حمراء كالدم
لأ مش ينفع الرقم القومى
بس أنا سمعت فى التليفزيون ممكن الرقم القومى


طيب ادخلى فى الصف و كان يدخل الناس4 رجال و 4 نساء


و دخلت مش عارفة السبب يمكن حسوا أنى صحفية و بسجل آراء الناس لانى كنت أمسك أوراق و أقلام

و فى منتصف القاعة مجموعة من الدببابير أقصد ظباط عليهم الهيبة و الابتسامة لا تفارق شفاههم
قالوا لى أنا و النساء اللى معى الكوتة فوق

قلتله أنا معى رقم قومى

قال انتى انتخبتى قبل كده

لأ دى أول مرة
طيب كده مش ممكن تنتخبى لأن اسمك غير مسجل
أولا فرحت و اطمن قلبى إنهم مش هيستخدموا اسمى فى التزوير
و
ثانيا أنا مش كنت عارفة أنا أصلا هنتخب مين
هههههههههه


قولت للظابط الكبير طيب ممكن اطلع اتفرج على اللجان أصلى اول مرة ادخل لجنة انتخاب
الظابط بصراحة سمحلى و تركنى اطلع فوق الدور التانى



و فوق دخلت لجنة و طلعت الرقم القومى الحيران معايا من الصبح و قلت عايزة انتخب
رد على أحد الاعضاء

الجالسين و قلى دورى على اسمك اللى فى الكشوف اللى برة اول حرف من اسمك ايه
قلت له ******
قال دورى بره ماش بصراحة


هدوء و أمن و ناس مبتسمة

مش عارفة لييييييه مش لقيت حرف واحد من اسمى دخلت لجنة تانية حضرتك مسئول هنا قالى انا رئيس اللجنة
طيب انا مش لاقيت اسمى اعمل ايه
روحى انزلى تحت هتلاقى الكمبيوتر يطلع اسمك ورقمك وتعالى انتخبى


يعنى القومى مش تنفع لألالأ

نزلت و لاقيت الظبابيط
واقفين يوجهوا الناس للجان و بنفس الابتسامة الرائقة سألنى اتفرجتى !!!

ايوة و الله شئ جميل طيب اتفضلى خلاص الكمبيوتر خارج اللجنة
أوك و خرجت و قلت لمسئول أمن البوابة من الأمن العام
فين الكمبيوتر اطلع اسمى و هارجع ادخل تانى
شاور ع مكانه ذهبت ليييييهم وطلبت استخراج اسمى

قالوا اسمى ليس موجود و انت تبع الوطنى و لا ايه قلت أييييه

و تركتهم و مشيت وجدت زملائى بالمدرسة و السيدات و قعدنا نتكلم عن الناس المرشحين كل مجموعة ليها ليها منتخب يريدون التصويت له


و جاءت سيدة أمامى تمسك كيس به ساندوتشات ووزعت

على الجميع إلا أنا قولت و أنا فين ؟؟؟؟؟

رمقتنى بنظرة لا أعرف اسجلها لكم كتابة

بس أنتم تخيلوا تلك النظرة


و سألت أحدى السيدات بجوارى أيه اللى فى السندوتش
كفتة
الف هنااااا و شفااااا
ورجعت السيدة مرة أخرى ترمقنى و لا أعرف السبب
و سألتها لماذا لم تعطينى ساندوتش كالباقيات
ردوا على كلهم لأنك حزب وطنى


ياه ع التهمة أزاى أنا لست و حاولت مرار و تكرارا أنى لست حزبوية و لا يحزنون

و أنتى صحفية ليهم و أحنا مش عايزين نتكلم معاكى طيب لية أحنا إخوااااان و هم الإخوان مش بيكلموا حد
طيب الجماعة المحظورة

و زعلت جدا أن السيدة **** كانت مقدمة أوراقها تبع حزب الاخوان حذفوا اسمها وزوجها اعتقل ز كمان

كل وكلاء المرشحين ليسوا من الحزب الوطنى منعوا من دخول اللجان للمتابعة و سمحوا فقط بدخول وكلاء المرشحين للوطنى
من غير العصر عدى و المغرب عدى قلت مش فيه فايدة أصلى المغرب و أروح أكل لقمة عيش و حتة جبنة بدل ساندوتش الكفتة اللى راح منى عشان كنت واقفة أشوف اسمى تبع الحزب الوطنى
لكن أحب أطمن أهل المحروسة الحزب الوطنى قاعد قاعد و مكتسح يا جماعة من قبل الصناديق ما تنزل
الغريب فى الأمر أن الناس مصدقة حكاية الانتخااااب ووخداها بقوة و الله اللى شفته النهاردة بيقول أنا الدولة حكر على سياسة الحزب و اللى يعاند مصيره المعتقل
بس انا فاكرة إن بابا السادات الله يرحمه كسر المعتقلات هم رجعوها تانى

بس للأمانة ناس الأمن مش سمحوا للتليفزيون يدخل يصور
و هم عايزين الصور ليه

وكل حاجة متظبطة ع الأخر بعقدة وشنيطة
و الصناديق كلها يعين ياليلى مظبطة للوطنى و أدى كلمتى و أبقوا سلمولى على المترو لو شفتوا حد غير الوطنى ف المجلش
وسلام
هههههههه
أنا تعبت جدا اليوم

[محمود التهامي]

شوقتيني والله
انا في الانتظار اهو بس مش تغيبي

[محمود التهامي]

طبعا ردي كان قبل التعديل
ومع اني مش عارف عدلتي المشاركة التانية ومعملتيش رد جديد
لكن بجد كل اللي قولتيه تحفه ويجنن
والأجن من كدا انه اتنشر على موقع بوابة الأهرام للأخبار
ان القضاء الاداري الغى الانتخابات في 6 دوائر باكتوبر والجيزة
ومنهم دائرة اكتوبر الاولى وتشمل اكتوبر وزايد وكرداسة
ودا على حسب ما ورد بالأهرام على الرابط التالي
http://gate.ahram.org.eg/News/17217.aspx
ونفس الخبر على اليوم السابع
http://www.youm7.com/News.asp?NewsID=310406&SecID=282


بس يمكن الوطني استغل حكاية الغاء الانتخابات دي
وقالو يفتحو اللجان وميدخلوش الا الوطني بس
عشان لما يبقو يعملو انتخابات بدل الملغية تكون الصناديق جاهزة
ههههههههههههههههه

[stylooo]

شكراً لتعزيزك موقفى
ههههههههههههه
عرفت الآن الابتسامات الرائقة كانت ليه




عشان تعرف إننا جنود المنتدى نحضر لكم المستخبى
حتى لو ف فم الحكومة