ليه الستات بتخاف من الفيران

[خلود]

السلام عليكم

ازيكم اخواني واخواتي



انا بقى عندى سؤال ملح جدا وخاصه لاخواتنا البنات والستات الرقاق اللطاف دول


انتو ليه بقى يا ستات بتخافو من الحشرات وتقعدو تصرخوا
لو شفتو صرصار او فار او عرسه او
الحاجات دي بقى

















انا عاوزه اجابات صريحه من البنات والستات وتعليقات من الرجاله على كلام البنات


هل هو دلع ولا انتو بتخافوا فعلا

[خلود]

بصوا بقى انا شخصيا بموت فى جلدى لو شفت فار واقعد اصرخ واتسمر فى مكانى لغايه ما يجى زوجى الغالى ويتعامل معاه

والله ماهو دلع بس انا فعلا بخاف جدا منهم ومن الصورصار

مستنيه ارائكم وتعليقات اخوانا الرجال بس من غير تريقه لو سمحتوا بقى

ماشى

ههههههههههه

[اسامة22]

ههههههههههههههه
هههههههههه
فكرتيني بمسرحية سمير غانم
الله يامسعود صويصار حبنا
الصويصاي
هههههههههههه

[ام الاء]

على فكرة يا خلود
مش كل الستات ولا البنات بتخاف من الصراصير
مثلا على سبيل المثال بناتى يخافوا من الصراصير
على العكس من بنات عمهم برغم اننا فى منزل واحد
وفى رائى انا ان هذا راجع للبيت نفسه لانه فى حقييقة
الامر زوجةعم بناتى لاتخاف من الحشرات وبالتالى انعكس
هذا على اولادها وده عكسنا احنا تماما
يعنى فى النهاية اقدر اقولك ان ده راجع للبيئة والنشاة

[lionking]

ايه يا خلود السيرة دى

ثم ايه الصور دى

يا بنتى انا كنت ببيض الشقة من اسبوعين والعمال الله يكرمهم سابوا باب الشقة مفتوح ودخل المخفى اللعين الفااااااااااااااااااااااااااااااااار ولحسن الحظ محدش شافوا غيرى .... وشفته بيتمشى فى المطبخ وطبعا ولا همنى عمال ولا قرود وفضلت اصرخ اصرخ لغاية ما العمال اتلمت فى المطبخ وطبعا وبحكم طبيعة الفار الواطى لبد فى مكان ما محدش يعرفه

المهم الكل اقنعنى انه خرج والمولد انفض وضحكوا عليا يا اختى .... ولما صحيت الصبح فى انتظار العمال لقيت الفار بيتمشى.....

والله يا خلوووووووووود اتسمرت مكانى وعلى صرخة واحدة لغاية ما جوزى والولاد صحيوا وانا اتشنجت ....

ومش هقولك فوقونى ازااااااااااى

بس بجد فعلا انا بخااااف موت من الفار ولعلمك يومها سيبت البيت فى محاولة للبحث عن جهاز طارد الفيران من 11 الصبح لغاية 4 العصر بدور لما دماغى اتفلقت والناس ولاد الحلال قالولى انى مش هلاقيه غير فى تميمة

بس الحمد لله

رجعت مش لقيت الفار الظاهر ملقاش اكل قرف وخرج