حبك ده مدفينى

[ابو اسامه]

حبيبتي خلاص منيش قادر
أسيطر تأنى على قلبي
وأحجم حبي وأتحكم
ولا ذنبك ولا ذنبي
لكن أقدر أبيع روحي
عشانك يا أم ريح عنبر
وأبيع الكل علشانك
وأهز الكون لأحزانك
وأهرب من عيون الناس
وأنام وأرتاح في أحضانك
دانتى الضله والشجرة
وحبك ميتى وذادى
منا عشت السنين صحرا
تايه من وادي للوادي
أنام وأصحى منيش مرتاح
بقيت سواح .....
نسيت الضحك والأفراح
ولما عنيكى سحروني
لقيت القلب كله براح
لقيت الجنة قدامى
عواطفك هي خدامي
وأنا بطلب وبتأمر
و أطلب ليه ... ؟
وحبك ده مكفينى
وحضنك ده ملأ عيني
يا نور عيني .. بيرضينى
في حضنك يا حياة قلبي بنام وأرتاح ..
غطيني ..
حبك ده مدفينى
يأجمل مارأت عيني
حبك ده يكفيني

*********

مع تحيات / أبو أسامه

[محمد المصري]

بجد جامدة جدا

ما اجملها من كلماات

ان تصف محبوبتك ان فى حضنها الدفي والامان

رائعة يا ابو اسامة
تسلم ايدك

[اسامة22]

روعة روعة اوي اوي ياابواسامة
شعرك جمييييييييييييييييل
بجد انت رااااااااااااااائع
ياصاحب الكلمات الرقيقة

[خلود]

اقول ايه

حقيقى مش لاقيه اى كلام اوصف بيه قد ايه انا معجبه بكلامك ووصفك الرائع اللى ملوش حل لاحساسك بمحبوبتك

اسمح لى احييك على هذه المشاعر الرقيقه التى اقل ما توصف بالدفئ والحنان

احسدها محبوبتك على اجمل كلمات ومشاعر رقيقه استمتعت بها

فى انتظار كل ما تخطه لنا اناملك من ابداع

[الرومنسى]

أخى أبو اسامة
لك منى كل تحية حيث احساسك الراقى وخروج كلماتك كنبضات القلوب العاشقة
فإنى ارتشف منها ما يملئ روحى حيث انها زاد القلوب
نرقى بالعشق الى كلماتك شكرا لك
انتظر كل جديد سلمت يداك أخيك الرومنسى